Lasagne Tuinmaak (Lasagne Gardening)

Wat op aarde het Lasagne met Tuinmaak uit te waai, sou jul seker wou vra.....  Wel eintlik beskryf Lasagne die hele konsep baie goed.  (Ek doen dit al jare lank in my eie tuin, maar het nooit geweet daar is 'n spesifieke omskrywing hiervoor nie.) 

Eintlik beteken dit net dat jy nie noodwendig 'n stuk grond hoef te staan en om spit met 'n graaf voor jy begin plant nie. 

Die bure se blare

Dis herfs, en vir my die mooiste tyd van die jaar.  Daar is vir my niks mooier as 'n tuin met bome getooi in herfskleur blare nie, maar ek weet ook dat dit 'n groot pyn kan wees as jou buurman se boomblare heeltyd in jou tuin waai. In stede van kwaad word en jou bloeddruk op jaag, dink so daaraan..... 

Herfsblare is ons tuinvriende - en dis verniet

Herfsblare in jou tuin ...............is gratis kompos.  Gratis kos en beskerming vir jou tuin.  Dis die natuur se manier om jou te help.  Hier is 'n paar handige wenke wat jy kan in gedagte hou:

Naweekprojek - min onderhoud daarna

As die grassny jou begin onder kry of die stof staan al oor die sand in jou tuin as die wind waai, pak gou hierdie naweek hierdie projek aan.  Dis maklik en vinnig.

Maak die area gelyk, bedek met plastiek of onkruidweerder materiaal, strooi klipgruis bo-oor en rond af met stapblokke en 'n paar mooi struike rondom. 

Dis so maklik en vinnig jy kan 'n pragtige tuin in 'n Saterdag middag he sonder dat jy 'n kenner hoef te wees.

Groente in klein hoekies / houers

Nie almal van ons is so gelukkig om ‘n groot tuin te hê waar jy sommer met gemak ‘n groentetuin kan af baken nie.  Dalk woon jy in ‘n woonstel of in die stad waar jou tuinspasie maar beperk is.  Wel selfs dan kan jy jou eie groente plant.  Hier is 6 idees wat jy maklik kan implimenteer :

Geute vol gras

Ai ek kan my somtyds verkyk aan die mooi redelik nuwe huise met die geute waarin die gras groei.  Beslis nie ietsie mooi en aanloklik nie.
Niemand het ook nog ooit gesê geute skoonmaak is 'n heerlike werk nie, maar ongelukkig is dit 'n werk wat jou nogal 'n hele klompie geld kan bespaar:

Spuitstof vir jou groente

Druk 3 knoffelbolle fyn. Neem sowat 10 rissies (gebruik die skerpste rissies wat jy kan kry) en maak dit fyn. Meng die knoffel en die rissies met 2 liter water en laat staan dit vir twee weke in ’n glashouer. Gooi die mengsel in ’n spuitkannetjie en spuit dit op en om jou groente. Geen gogga sal dit gou weer naby waag nie! Jenny strooi ook rissiepoeier tussen haar saailinge om hulle teen slakke en ander goggas te beskerm.

'n Maklike tuin vir mense met min tyd

Winter is 'n goeie maand om 'n nuwe tuin aan te lê, maar hou dit maklik:

Almal van ons droom van ‘n groot tuin waar die groen welige grasperk in sagte draaie loop rondom ‘n blombedding wat in oorvloed blom met kleure wat jou ure wil laat kyk en kyk, maar nie almal van ons het die tyd of geduld om so ‘n tuin te onderhou nie. (Selfs al wou jy hoe graag.)

Dit moet jou egter nie keer om ‘n pragtige tuin van jou eie te hê nie. Dis eintlik so maklik.

Jy moet net reg beplan…..  En nee dis nie ure se beplanning, prentjies teken en naslaan werk nie.  Ons gee vir jou bietjie maklike raad wat jy kan volg om ook ‘n mooi tuin te hê met min moeite.

Slim plan vir die tuinier met min tyd.

Julle het al baie gehoor van “mulch”.  Hoekom en waarom sou mens dit wou doen? 

Wel hier is twee groot redes:

Gereed vir die winterkoue met 'n deklaag

As jy die winterkoue so aan jou voete begin voel, is dit die tyd om te dink aan ‘n deklaag vir die tuin.  Einde April is ‘n goeie tyd om ‘n deklaag tussen jou plante te gooi wat sal help om die wortels van jou plante te beskerm teen die winterkoue.

Tuin paadjie legkaart

As jy 'n klompie oortollige bakstene het wat rondlê, is hierdie oulike idee dalk ietsie wat jy kan gebruik.  Selfs gebreekte bakstene kan werk.

Potte-tuin

Altyd gedink ‘n potte-tuin is vervelig?  Kyk bietjie wat kan gedoen word deur net potte op verskillende hoogtes bymekaar te rangskik.  Hierdie is ‘n oulike water spaar idee en baie oulik vir iemand wat ‘n lae onderhoud tuin soek.

Tuinmaak met min water en grond

As jy dalk moet tuinmaak in ‘n area waar water skaars is of waar meer plaveisel as tuinmaak grond is, is hierdie ‘n oulike idee:

Groente en blomme "bo" die grond.

Voordele van “raised garden beds” /plant bakke bo die grond:

Tuin rivier sonder water

Lê ‘n rivier in jou tuin uit sonder ‘n druppel water. 

Ontsmet jou plantpotte

Potte kan oor en oor gebruik word, maar hulle bou mineraalneerslae en ander oorblyfsels aan die binne- en buitekant op waarin siektes kan skuil.

So maak jy

1 Ontsmet gebruikte kleipotte eers deur hulle 10 minute lank in 'n oplossing van 1 deel huishoudelike bleikmiddel op 9 dele water te week, en skrop dan skoon.

Vetplant fonteine - nuwe lewe vir 'n ou waterfokuspunt

Daardie fonteintjie wat jy destyds ten duurste gekoop het, maar net nie meer lus het om elke week skoon te skrop nie, kan nuwe lewe kry. 

Hier is ‘n oulike idee om ‘n vetplant-fonteintjie aan te plant.  Kies ‘n verskeidenheid plante wat baie kleur sal gee en versier tussen in met klein klippies om die grond te bedek. 

Echeverias;   lyk soos vetplant-rose (middel bo) en daar is ‘n groot verskeidenheid van hulle op die mark beskikbaar. 

Senecio Rowleyanus of “String of pearls” ;  (regs bo) is ‘n oulike plantjie om tussen-in op die rand van jou bak te plant.  Hulle sal soos klein fonteintjies teen die kant af rank. 

Goedkoop tuin opknap

Hier is twee fototjies om te vergelyk.  Natuurlik wil ons almal die huis aan die regterkant hê, maar kostes is altyd 'n storie.  Wel hierdie prentjie wys juis vir ons dis nie nodig om 'n fortuin te spandeer om jou huis mooi te laat lyk van die straat af nie.  'n Bietjie verf en slegs 'n paar struike maak al 'n reuse verskil. 

Mooi tuin sonder moeite

‘n Lae onderhoud tuin kan al te pragtig lyk.  Hier is plaveisel en klippies saam gebruik om ‘n interessante kontras te vorm.  Potte met helderkleurige blomme en groen struike is oral geplaas vir kleur en kan maklik met ‘n gieter water onderhou word.  Gladnie ure se tuinwerk nie, en die snoeiwerk is op ‘n klein skaal en kan maklik in ‘n middag opgeknap word.   Dis ‘n oulike idee vir mense wat graag ‘n mooi tuin wil hê, maar nie kans sien vir elke naweek se grassny en onkruid uit trek nie.

Lae onderhoud - Hergebruik - Kuier tuin

In hierdie tuin is ‘n gerieflike kuier area geskep met artikels wat dalk voorheen net in die pad was.  Let op die stap blokke wat eintlik gewigte (dumbells) is.  Al die blokke is ook nie ewe groot en perfek nie.  Daar is sommer lang en vierkantige blokke gemeng en dit werk eintlik heel goed. Groot klippe uit die tuin is nader geskuif en gerangskik om ‘n area mooi af te baken.  “Ten pin Bowling” balle is gebruik om hier en daar ‘n speelse aksent te gee en plante is in houers geplant om dit ‘n lae onderhoud tuin te maak.