Preserveermiddel vir blomme

SLIM IDEE: Preserveermiddel vir blomme
Meng twee eetlepels wit asyn en twee teelepels suiker met een liter water. Onthou om jou blomme weg te hou van direkte sonlig en om die water in die vaas daagliks te vervang.

SPYSKAART EN RESEPTE WEEK 21

SPYSKAART WEEK 21

MAANDAG                Kool Frikkadelle

DINSDAG                  Visgebak

WOENSDAG             Suikermielie en Spektert

DONDERDAG            Varkworsie-en-rysdis

VRYDAG                   Johan se lasagne-pot

SPYSKAART EN RESEPTE WEEK 20

MAANDAG                Chicken Breasts

DINSDAG                  Baked Vienna Pasta

WOENSDAG             Kaas en Hamtert

DONDERDAG            Bobotie

VRYDAG                   Bacon, Egg, and Toast Cups

MAANDAG:  CHICKEN BREASTS

6 chicken breasts,boned

1 bag potato chips,crushed

1 stick butter

1/2 tsp.Salt

SPYSKAART WEEK 19

MAANDAG                Vinnige Pasta gereg

DINSDAG                  Tuna topped veggie fitters

WOENSDAG              Beefstroganoff

DONDERDAG            Hoenderkerrie

VRYDAG                   Sosaties

MAANDAG:              Vinnige Pasta gereg

Benodig:      

250g maalvleis

1 ui (gekap)

1 klein blikkie tamatie en uiesmoor (of gebraaide uie en tamatie – 1 ui en 1 tamatie)

½ pakkie bruin uie soppoeier

2 koppies macaroni

SPYSKAART EN RESEPTE WEEK 18

SPYSKAART WEEK 18

MAANDAG                Tjopkasserol met macaroni

DINSDAG                  Tunatert

WOENSDAG             Vleislose pizza broodjies

DONDERDAG            Tomato beef stew

VRYDAG                   Bovril Hoender (RSG)

MAANDAG:  Tjopkasserol met macaroni

Chantelle Geldenhuys

6 skaapboudtjops
sout en peper na smaak
bietjie koekmeelblom
250 ml water
75 ml tamatiesous
25 ml Worcestersous

SPYSKAART EN RESEPTE WEEK 17

MAANDAG                Maalvleispastei

DINSDAG                  Fettuccine Alfredo

WOENSDAG             Pastorie hoender

DONDERDAG            Green bean and carrot stew

VRYDAG                   Mossels met room

MAANDAG:  Maalvleispastei

Rol ‘n rolletjie gekoopte skilferdeeg dun uit om in ’n 23 cm pasteibak te pas.

olie
450 g maalvleis
2 uie, in blokkies opgesny
1 soetrissie, in blokkies opgesny
sout

SPYSKAART WEEK 16

MAANDAG                Wors met kaas en appels

DINSDAG                  Karel se vegeratiese gereg

WOENSDAG             Hoender in die oond

DONDERDAG            Broccoli en pasta gereg

VRYDAG                   Sampioen-omelet

MAANDAG:              Wors met kaas en appels

1 kg wors
60 mℓ meel
15 mℓ asyn
4 appels, afgeskil, pitte verwyder en in ringe gesny
500 mℓ warm water
2,5 mℓ sout
30 mℓ bruinsuiker
250 g cheddar, in snye gesny

Bak die wors stadig in ’n pan tot dit gaar is volgens jou voorkeure.

Verwyder die wors en roer die meel by die pansappe. Roer tot die sous glad en bruin is.
Voeg geleidelik die water by en hou aan met roer. Kook tot die sous begin dik word.
Voeg die asyn en sout by.

Plaas die wors in ’n oondskottel, rangskik die appels bo-op, strooi die bruinsuiker oor en gooi die sous oor.
Plaas die skottel se deksel op en bak in ’n 180ºC oond vir 30 minute.
Plaas die kaas op die appels en plaas onder die oondrooster tot die kaas gesmelt en bruin is.

DINSDAG:    Karel se vegeratiese gereg

 'n Lekker vegetariese resep:

2 middelslag eiervrugte
1 klein ui gekap
1 fyn knoffelhuisie
½ koppie gevriesde “klein” groente (soos ertjies, mielies en geblokte wortels)

braaivleisspesserye
sout en peper na smaak
Non-stick pan (dit werk beter as om olie in 'n pan te gooi omdat die eiervrugte baie absorberend is kan jy met 'n olierige gemors eindig. As jy 'n gewone pan en olie gebruik moet dit verkieslik olyfolie wees)

Metode:

Kap die rou eiervrug in klein stukkies, kleiner as jou pinkienael. Jy kan dit ook in 'n voedselverwerker “pulse” maar oppas, jy is nie besig om 'n melkskommel te maak nie.

Braai die gekapte eiervrug asof dit maalvleis is in die droë pan, roer heeltyd om te keer dat dit water trek. Voeg die uie en knoffel by.
Sprinkel braaivleisspesery mildelik oor.

As die eiervrug gaar en bruin is kan jy die groente byvoeg en roer totdat dit goed warm en gaar is.
Proe en gooi sout en peper na smaak.

Bedien saam met bruinrys, gevlokte aartappel of sommer net op brood.

Dit kan ook as 'n vulsel vir pasteie of herders-pastei gebruik word.

WOENSDAG:           Hoender in die oond

1 hoender, in stukke gesny
5 mℓ rissiepoeier
5 mℓ paprika
5 mℓ sout
5 mℓ fyngesnyde knoffel
5 mℓ fyngesnyde, vars gemmer
35 mℓ suurlemoensap
35 mℓ olie

Meng al die bestanddele saam - behalwe die hoender.
Plaas die hoender in die mengsel, bedek en hou oornag in die yskas.

Spuit ’n oondplaat en rangskik die hoenderstukke daarop.
Bak vir 30 minute in ’n 180ºC. Draai na 15 minute die stukke om.

Bedien die hoender saam met ’n groen slaai en Portugese rolletjies.

Vir happies kan jy hoendervlerkies vir die resep gebruik.

DONDERDAG:        Broccoli en pasta gereg

200 pipe rigate, of enige kort pasta van jou keuse, gaargemaak volgens aanwysings op die verpakking
1 blikkie tuna, gedreineer en gevlok
300 g vars broccoli, in blommetjies gesny
1 blikkie gesnipperde sampioene, 200 g gedreineer
60 mℓ wituiesoppoeier
150 mℓ melk
150 mℓ kookwater
100 g cheddar, gerasper

Smeer ’n oondskottel met botter en versprei die gedreineerde pasta op die bodem.
Versprei die tuna oor die pasta.
Blansjeer die broccoli vir 1 minuut in kookwater. Behou 150 mℓ van die water. Versprei die broccoli oor die tuna.

Meng die uiesop en melk tot glad.
Roer by die water, terwyl jy dit verhit. Bly roer tot dit kook en begin verdik. Bly roer vir 2 minute. Gooi die sous oor die gereg.

Strooi die cheddar oor.

Bak in ’n 180ºC oond vir 30 minute.

VRYDAG:      Sampioen-omelet

4 eetlepels botter
4 eetlepels olyfolie
125 g baba sampioene
2 knoffelhuisies, fyn opgesny
25 g sprietuie, fyn opgesny
8 eiers, geskei en apart geklits - die wit moet styf wees
100 g beleë cheddar, gerasper
sout en varsgemaalde swartpeper

Verhit die olie en 2 eetlepels botter in 'n groot pan en braai die sampioene tot gaar.
Voeg die knoffel by en braai vir nog 1 minuut.
Vou die afsonderlike dele eier bymekaar tot dit goed gemeng is.
Verwyder die sampioene uit die pan en verhit die oorblywende 2 eetlepels botter.
Voeg die eier by en bak vir 2 - 3 minute.
Plaas die kaas, sprietuie en sampioene op een helfte. Geur met sout en peper. Vou toe en bak tot die kaas begin smelt.

Sit voor saam met ciabatta

SPYSKAART EN RESEPTE WEEK 15

SPYSKAART WEEK 15

MAANDAG                Worsgebak

DINSDAG                  Liquid Fruit Hoender

WOENSDAG              Warm Groente Slaai

DONDERDAG            Maalvleis Pastei met Ryskors

VRYDAG                   Taai ribbetjies met lemoensap

MAANDAG:  WORSGEBAK

30 ml sonneblomolie

1 ui, gekap

1 groen soetrissie, ontpit en gekap

10 ml matige kerriepoeier

2 ml borrie

500 ml kookwater

15 ml blatjang

5 ml sout

2 ml peper

500 g rou boerewors, in 4 cm- stukkies gesny

1 x 410 g blik appelkooshelftes

300 g rou rys (375 ml)

gekapte grasuie vir garnering

Verhit die olie in 'n swaarboompan, braai die uie en soetrissie tot sag en deurskynend, ongeveer 5 min.

Voeg die kerriepoeier by en roerbraai 'n verdere minuut. Voeg die kookwater, sout en peper en blatjang by, verhit tot kookpunt, verlaag die hitte en laat 2 minute prut..

 Pak die rou wors op die boom van 'n groterige oondskottel.  Skep die uiemengsel  eweredig bo-op die wors.  Rangskik die appelkooshelftes bo-oor die wors en giet die sap oor.  Sprinkel die rys eweredig oor, plaas die deksel op en bak in 'n voorverhitte oond by 200°C  vir ongeveer  45 minute of totdat die rys gaar is.  Strooi gekapte grasuie oor en sit warm voor

DINSDAG:                LIQUID FRUIT HOENDER

1 hoender in stukkie gesny (ek gebruik altyd ‘n pak met 4 dye en 4 boudjies)

1 koppie appelkoossag (liquid fruit)

1 klein blikkie halwe applkose

1 pakkie bruin uiesop

Rol hoender in soppoeier.  Plaas in vuurvaste bak.  Gooi sap oor.  Strooi die res van die soppoeier oor.  Dreineer die appelkose en gooi oor hoender.  Bak vir 45 minute by 180°C tot gaar.

WOENSDAG:           WARM GROENTE SLAAI

250ml vars room

500g botterskorsie opgesny in ½ - 1cm vingers

400g murgpampoentjies in ringetjies gesny

250g sampieoene

45g bruin uiesop

Spuit oondvaste bak met Spray ‘n Cook en pak groente in 3 lae.  Dit is beter om die botterskorsie onder, murgpampoentjies in die middel en die sampioene bo-op te pak.  Strooi die pakkie bruin uiesop bo-oor en gooi die room eweredig oor die groente.  Bedek die bak met tinfoelie en bak die groente in ‘n oond by 180°C vir 30 – 45 minute of tot die botterskorsie sag is.

DONDERDAG:       MAALVLEIS PASTEI MET RYSKORS

1 dik sny brood, korsies verwyder

Bietjie melk

sout en peper na smaak

5 ml koljander

37,5 ml asyn

500g maalvleis

1 tamatie

3 repies spekvleis

50 ml gerasperde kaas

Week brood, in ‘n bietjie melk, druk uit en krummel. Voeg geurmiddels by maalvleis. Voeg brood by en meng. Skil tamatie, kap in blokkies en voeg by. Druk helfte van mengsel liggies in gesmeerde oondskottel. Rangskik spekvleis en kaas bo-op. Plaas res van vleismengsel bo-oor. Skep kors oor vleismengsel.

Kors:

2 eiers

125 ml melk

12,5 ml gesmelte botter

125 ml gaar rys

125 ml meelblom

5 ml bakpoeier

125 ml gerasperde kaas

Klits die eiers goed en voeg die melk by. Voeg botter en rys by. Sif meelblom en bak poeier by en skep bo-oor vleismengel in oondskottel. Strooi kaas oor en bak vir 1 uur by 180ºC.

VRYDAG:      Taai ribbetjies met lemoensap

Genoeg vir 4 mense

sowat 1,5 kg lamsribbetjies
MARINADE
80 ml lemoensap
15 ml sojasous
30 ml heuning
60 ml tamatiesoius
15 ml olie
sout en vars gemaalde swartpeper

Voorverhit die oond tot 180 °C.

Sny die ribbetjies in kleiner porsies en meng al die bestanddele van die marinade.

Marineer die ribbetjies vir sowat 30 minute of verkieslik oornag.

Pak die ribbetjies met die marinade in ’n groot oondbak en bedek met foelie.

Bak sowat 30 minute.

Verwyder die foelie en bak tot taai en gaar. (Draai die ribbetjies om sodat dit alkante gebraai word en skep die marinade oor die ribbetjies terwyl dit braai).

SPYSKAART EN RESEPTE WEEK 14

SPYSKAART WEEK 14

MAANDAG                Beef Stroganoff

DINSDAG                  Spinasie Souffle

WOENSDAG             Jannie en JJ se: Vra na meer hoender

DONDERDAG            Geroosterde Vis met ‘n soetsuursous

VRYDAG                   Ghoebie Choebels

MAANDAG:  BEEF STROGANOFF

500g beeshaas of kruistuk

3 middelmatige uie

56g botter

1 groen soetrissie

225g sampioene

Sout en peper

140ml suurroom

Pietersielie

Spyskaart en Resepte Week 13

MAANDAG                Spek Rolletjies

DINSDAG                  Ontbyt “Muffins” spesiaal vir vrouedag

WOENSDAG             Boelie-Beef Gereg

DONDERDAG            Tuna Royal

VRYDAG                   Groente-Hutspot

MAANDAG:              SPEKROLLETJIES

500g witbroodmeel

2ml suiker

1 pakkie kitsgis

50g botter

250g swoerdlose streepspek, gekap en bros gebraai

1 groot eier, liggies geklits

Meng die droë bestanddele in ‘n groot mengbak, vyf die botter in en voeg dan die spekvleis by.  Gooi genoeg warm water by om ‘n stywe deeg te vorm.  Knie vir omtrent 10 minute tot glad en elasties.  Vorm klein bolletjies en pak dit op ‘n bakplaat.  Los op ‘n warm plek en laat rys tot dubbel die volume.  Verf met geklitste eier en bak in voorverhitte oond vir 15 – 20 minute tot goudbruin en deurgaar.  Bedien saam met maas, salami, ham of ander vleisblokkies en ‘n heerlike glasie wyn.

DINSDAG:    ONTBYT “MUFFINS”

• 3 eetl botter, gesmelt
• 8 snye wit of bruin brood
• 6 stukkies bacon
• 6 groot eiers
• Sout en peper

Voorverhit die oond na 190°C.
Smeer 6 holtes in ‘n standard grote muffin pan met botter of spuit met kleefwerende sproei.
Gebruik ‘n koekroller om die brood effens plat te rol.
Gebruik ‘n koekiedrukker of bakkie van 11cm om sirkels uit die brood te druk.
Sny elke sirkel in die helfte en pas in die gesmeerde holtes.
Maak seker die onder kante oorvleuel en dat die rande tot heel bo by die rand van die pannetjie kom. Gebruik ekstra stukkies brood om enige gate of skeurtjies reg te maak.
Borsel gesmelte botter in die binnekant van die brood bakkies.
Braai die bacon in ‘n pan tot amper bros. (Dit sal in die oond verder braai).
Plaas een stukkie in elke holte.
Breek een eier bo-oor elke stukkie bacon. Geur met sout en peper.
Bak tot die wit gestol is, ± 20 – 25 minute.
Gebruik ‘n klein messie om die kante los te maak en lig uit die pannetjie.
Bedien dadelik.

WOENSDAG:           BOELIE-BEEF GEREG

1 blik boelie-beef, gevlok met ‘n vurk

1 ui, fyn gekap

1 blik tamatie en uie smoor

3 eiers

Braai gekapte ui in olyfolie tot bruin.  Voeg boelie beef by.  Braai liggies saam met ui.  Voeg tamatiesmoor by.  Voeg rou eiers by, soos roereier.  Laat eier stol terwyl jy meng met beefmengsel.  Bedien saam met roosterbrood of kapokaartappels.

DONDERDAG:        TUNA ROYAL

1 blik tune (in water en nie olie nie)

1 klein blikkie sampioene

1 groen rissie

1 ui

2 koppies melk

1 eetl maizena

Worcestersous

Tamatiesous

Sout en peper

Kap ui en groen rissie en braai in botter.  Maak maizena aan met melk, gooi by res van melk.  Voeg by rissie en ui.  Voeg worcestersous, tamatiesous, sout en peper by na smaak.  Dreineer blikkie gekapte sampioene en blikkie tuna en voeg by.  Kook stadig saam tot gaar.  Bedien op rys met blaarslaai en tamatie.  Gebruik meer mel / smpioensop om meer te maak.  Lewer ongeveer 4 / 5 porsies.  Gebruik 1 koppie rys vir 4 / 5 mense.

VRYDAG:      GROENTE-HUTSPOT

15ml olyfolie

2 uie, gekap

450g wortels, gekap

3 murgpampoentjies, in ringe gesny

1 raap, gekap

450g aartappels, gekap

1 x 410g blik lensiesop

1 x 410g blik groentesop

1 x 410 g blik heel tamaties, gekap

1 x 410g blik nierboontjies, gedreineer

Kwart koolkop, gerasper

250g broccoli, in blommetjies gebreek

Verhit olie, braai uie, wortels, murgpampoentjies, raap en aartappels vir paar minute daarin tot uie sag is.  Voeg sop en tamaties met hul vloeistof by en laat prut vir sowat 20 minute.  Roer boontjies en groen groentes by en laat prut vir nog 10 minute,  Dien warm op saam met rys.

SPYSKAART EN RESEPTE WEEK 12

SPYSKAART WEEK 12

MAANDAG                Sampioen-en-rys-koek

DINSDAG                  Sticky varkribbetjie

WOENSDAG             Curried Eggs

DONDERDAG            Oosterse beesvleisslaai

VRYDAG                   Viskoekies

MAANDAG - Sampioen-en-rys-koek

12 porsies

bietjie olie

1 ui, gekap

2,5 ml (½ t) droë gemengde kruie

2,5 ml (½ t) vars gekapte knoffel

250 g (1 pakkie) sampioene, in skyfies gesny

375 ml (1½ k) arboriorys

500 ml (2 k) hoenderaftreksel

250 ml (1 k) baba-ertjies

6 songedroogde tamaties, gekap

60 ml (4 e) fyn parmesaan

sout en peper na smaak

4 eiers

45 ml (3 e) melk

1 hand vol roketblare

Stel oond op 180 °C.

Verhit olie en soteer ui, kruie en knoffel tot sag. Voeg sampioene by en soteer nog bietjie.

Voeg rys en hoenderaftreksel by. Laat prut vir 20 min. oor lae hitte.

Verwyder van hitte en roer ertjies, tamaties en kaas by en geur met sout en peper.

Voer ronde koekpan met 20 cm-deursnee met bakpapier. Spuit met kossproei. Skep rysmengsel daarin en maak gelyk bo-op.

Klits eiers en melk en gooi bo-oor rysmengsel.

Plaas in oondpan en bak vir 45 min. of tot gestol in middel.

Laat ongeveer 15 min. in koekpan afkoel en keer versigtig uit.

Sit louwarm in skywe saam met roketblare voor.

DINSDAG - Sticky varkribbetjie

 (4 porsies)

8 varkribbetjies (sowat 1 kg)

100 ml tamatiesous

100 ml blatjang

50 ml sojasous

150 ml Worcestersous

2 knoffelhuisies, fyngekap

Verhit jou oond tot 220 °C. Plaas ’n groot stuk tinfoelie op jou bakplaat. (Dit sal keer dat die sous aan die bakplaat vasbrand.) Meng die tamatiesous, blatjang, sojasous, Worcestersous en knoffel goed saam. Gooi die sous oor die ribbetjies en maak seker hulle is lekker bedek met die sous. Plaas die ribbetjies op die bakplaat en hou die res van die sous om so nou en dan oor die ribbetjies te smeer. Rooster vir 10 minute aan elke kant - smeer af en toe met die sous. Jy kan die ribbetjies teen die einde vir ’n paar minute onder die rooster-element sit as jy hulle brosser wil hê. Sit voor saam met broodrolletjies en slaai.

WOENSDAG - Curried Eggs

8 Eggs Hardboiled And Peeled

Sauce

1 Large Onion, Chopped

25ml Sunflower Oil

2 Tomatoes, Peeled And Chopped

1 Packet Royco Chilli Beef & Green Pepper Soup

400ml Water

10ml Chutney

1. Fry Onion In Heated Oil Until Softened.

2. Add Tomatoes And Fry For 1 Minute.

3. Add Soup Powder Mixed With 400ml Water And 10ml Chutney.  Stir Till Thickened, Then Simmer For 5 Minutes.  Season To Taste.

4. Pour Soup Mixture Over Peeled Eggs And Serve.

DONDERDAG - Oosterse beesvleisslaai

Genoeg vir: 4

500g bolendeskyf (‘porterhouse steak')

120ml sojasous

1 knoffelhuisie, fyngedruk

20ml suurlemoen- of lemmetjiesap

1-3 klein rooi rissies,

in dun skyfies gesny

5ml bruinsuiker

Slaaibestanddele

Pak die steaks in 'n groot bak en gooi 100ml van die sojasous bo-oor. Laat dit eenkant staan.

Maak die slaaisous deur die res van die sojasous met al die ander bestanddele (behalwe dié vir die slaai) te meng. Roer dit goed deur.

Verhit 'n riffelpan tot baie warm. Haal die steaks uit die sous en sit dit op die pan vir ses tot agt minute - draai dit een keer om. Laat dit vir vyf minute staan voordat jy dit in skyfies sny. Rangskik die vleis saam met die slaaibestanddele en drup die slaaisous oor.

VRYDAG - VISKOEKIES

2 middelslag aartappels

2 middelslag uie

1 blikkie sardyne in tamatiesous

106 g gewone sardyne

2 eiers, geklits

125 ml koekmeelblom

10 ml bakpoeier

sout

rooipeper

kookolie vir vlakbraai

Skil die aartappels en uie en rasper hulle op die growwe kant van die rasper. Gooi die ergste sous van die sardyne af en druk die vis fyn. Voeg die eiers en gerasperde aartappel en uie by die vis en meng. Sif die koekmeelblom, bakpoeier, sout en rooi peper saam bo oor en meng goed. Skep dessertlepels van die mengsel in vlak, matig warm kookolie in ‘n braaipan en druk die hopies in ‘n netjiese fatsoen. Braai die koekies aan weerskante tot gaar. Plaas die gaar koekies op kombuispapies sodat alle oortollige olie afdrup.

SPYSKAART EN RESEPTE WEEK 11

SPYSKAART WEEK 11

MAANDAG                Kasselse steaks met pynappel

DINSDAG                  Vegetariese Hooimied

WOENSDAG             Gestoofde spesery-beesstert

DONDERDAG            Salmbolletjies

VRYDAG                   Pan Ete

MAANDAG - Kasselse steaks met pynappel

Genoeg vir: 4

30ml olie

4 Kasselse steaks

1 ui, in skyfies gesny

1 blik pynappelstukke

Verhit die helfte van die olie in 'n groot pan. Braai die Kasselse steaks totdat dit mooi bruin is aan al twee kante. Skep die steaks uit die pan.

Verhit die res van die olie in die pan en braai die ui tot sag. Voeg die steaks en die inhoud van die blik pynappelstukke by. Laat dit vir omtrent sewe minute prut. Skep die pynappelmengsel bo-oor die steaks en sit dit voor met baba-aartappels of rys en roerbraaigroente.

DINSDAG - Vegetariese Hooimied

4 tot 6 mense

1 groot pak Nachos-skyfies
1 koppie rou bruin rys, gekook
olyfolie
2 medium uie
2 blikkies gebakte bone
½ teelepel gedroogde origanum
½ teelepel gedroogde baisiliekruid
kropslaai
tamaties
komkommer
wortel, gerasper
avokado of nog beter, guacomole
1 eetleepel (opsioneel)

Braai uie in olie, en voeg bone en kruie by.

Pak die volgende in lae op jou bord:

Heelonder, die skyfies, dan die bonemengsel, dan die vars slaai, en dan die avokado of guacomole.

Wenk:  As jy nie guacomole kry nie, meng die avokado met 'n eetlepel sojamelk - dit voorkom dat dit bruin word.

WOENSDAG - Gestoofde spesery-beesstert

4 porsies

•250 ml (140 g) koekmeel

•mengsel van baie kaneel, minder kardemom en ’n bietjie naeltjies, volgens smaak

•sout en varsgemaalde swartpeper na smaak

•2 kg beesstertstukke

•15 ml botter

•30 ml olie

•2 of 3 groot uie, gehalveer en in dun ringe gesny

•1 of 2 selderystingels, baie fyn gekap

•1 of 2 wortels, gerasper

•2 blikkies donker bier, soos Guinness

•1 bottel goeie gehoute chardonnay

•hand vol vars pietersielie, grofgekap  

•fyngerasperde lemoenskil (opsioneel . . .maar die gereg gaan nie dieselfde smaak daarsonder nie)

Geur koekmeel met die speserye, sout en swartpeper en rol die beesstertstukke daarin.

Verhit die botter en olie in ’n kastrol en soteer die uie, seldery en wortel tot sag. Haal uiemengsel uit die kastrol en hou eenkant.

Braai in dieselfde kastrol (want al die heerlike geure kan mos nie verlore gaan nie) die beesstertstukke aan albei kante tot donkerbruin. Doen dit ’n paar op ’n slag sodat almal ewe bruin word.

Sit al die vleis en die uiemengsel in die kastrol, voeg bier en wyn by en laat kook. Draai die hitte af, sit die deksel op en prut vir ’n paar uur totdat die vleis sag is en byna van die been afval (m.a.w. wanneer die kuiergaste se monde behoorlik water!). As dit lyk asof die vloeistof te min word in die pot, voeg beesvleis-aftreksel by.

Sprinkel pietersielie en lemoenskil teen die einde bo-oor.

DONDERDAG - Salmbolletjies

Genoeg vir: 4

1 klein blikkie salm, gedreineer en gevlok

2 middelslag-aartappels, gekook, geskil en in blokkies gesny

30ml gekapte pietersielie

skil van 1 suurlemoen

1 eier, liggies geklits

30ml koekmeel

50ml droë broodkrummels

olie vir braai

Gooi die salm, aartappel, pietersielie, suurlemoenskil en die helfte van die eier in 'n mengbak. Meng dit goed deur met jou hande. Vorm die mengsel in 12 bolletjies en pak dit op 'n bord. Sit dit vir vyf minute in die vrieskas sodat dit ferm kan word.

Haal die bolletjies uit die vrieskas en rol dit in die meel, daarna in die res van die eier en dan in die broodkrummels. Verhit die olie in 'n pan en braai dit vir omtrent twee minute aan elke kant. Sit dit voor met aartappelwiggies en slaai.

VRYDAG - Pan Ete

100ml Margarien

500g Aartappel

50ml Gekapte Ui

50ml Gekapte Groen Rissie

200ml Gerasperde Kaas

4 Eiers

5ml Sout

5ml Peper

5ml mosterd

340g Weense Worsies

Metode

Smelt Margarien In Pan.

Braai Ui Effens Bruin.

Voeg Soetrissie En Aarappels By.

Sit Deksel Op Pan En Verhit Vir 5 Min Oor Lae Hitte.

Klits Eiers En Voeg Geurmiddels By.

Gooi Eiers Oor Die Aartappel Mengsel.

Rangskik Gesnyde Weense Worsies Oor Die Aartappel Mengsel.

Sit Pan Se Deksel Op Verlaag Hitte En Verhit Mengsel Vir 10 Min Of Tot

Gestol.  Sny In Skywe En Bedien.