Souskluitjies

Bestanddele:

 
4 eetl hoogvol koekmeel
1 eetl botter (by kamertemperatuur)
1 eetl suiker
1 eier
1 tl bakpoeier
1 tl sout
1 eetl melk

Metode:
Klits botter en suiker
Meng meel, bakpoeier en sout
Klits eier saam met 1 eetl melk
Voeg eier by botter- en suikermengsel, meng goed en voeg meel by.
Meng tot gladde pasta – dit moet ‘n stywe deeg wees sodat jy teelepels vol kan skep.
Neem 'n pot met 'n deksel en gooi 2 kop kookwater in. Bring die water elke keer tot kookpunt (dit moet borrels maak) – skep teelepels vol in en SIT DEKSEL OP EN HOU TOE VIR 2 MINUTE. Moenie oopmaak nie anders slaan jou kluitjies toe. Toets met toetspen of dit gaar is
Skep uit in bak, gooi water/sous wat nog in die pot is bo-oor. Strooi kaneelsuiker bo-oor en stip klontjies botter ooral
Maak volgende baksel en pak bo-op die ander kluitjies. Stip elke keer met botter asook die kaneelsuiker en die sous/water

Hierdie was 3 beslagte gewees !!

Johanna se vetkoek wat homself omdraai

4 k meel
1/2 pakkie kitsgis
1t bakpoeier
2e margarien
5ml sout
250-300ml water

Knie baie goed en laat rys tot dubbeld die deeg grote
Knie weer af en maak koeke so gholfbal groote
Braai in diep olie
Toets olie met sosatie stokkie dit moet lekker bruis as jy stokkie se stompkant in olie druk
Braai tot goudbruin
As jy in die pan stadig laat ingly is dit hol binne

Geniet

Boerseep gemaak met as. (Santie)

Boerseep met as..

1 sinkemmer fyn as,
5 sinkemmers koue water
halwe emmer kalk,
1 kg uitgebraaide hardevet.
Voer 'n houtkissie met 'n skoon, klam doek uit. Kook as,water en kalk 2uur lank saam. Syg die mengsel deur 'n doek tot dit skoon is. Voeg die vet by en kook dit vir 12 ure. Giet seep in kissie, laat goed afkoel en sny in stene.!

Boerseep met Kaiings (Santie)

Boerseep met kaiings.

3,3 kg kaiings,
480gr seepsoda,
9lt water.
Kook alles saam tot dit begin drade trek.Keer seep in 'n sinkbad of kom uit,laat afkoel en sny in stene...

Boerseep resepte (Jeanette)

1,75 kg harde beesvet (uitgebraaide vet)
250 g seepsoda
1 liter koue water
... 50 ml sitroenella olie (om die vet se reuk te verbloem)

Geel handskoene (om jou hande te beskerm)

Smelt die vet in ‘n stainless steel kastrol en hou eenkant totdat dit redelik afgekoel het. Jy moet jou vinger vir 10 sekondes daarin kan hou sonder om te brand. Gooi die vlokkies seepsoda in ‘n erde emmertjie en gooi dan die koue water daarop en roer paar kere met houtlepel, sit die deksel bo-op en laat staan op ‘n veilige plek. Laat staan totdat dit min of meer dieselfde hitte het as die vet (as jy ‘n kook termometer het is dit ‘n pluspunt). Gooi nou die seepsodawater by die vet (en sitroenella olie) en roer totdat dit soos versuikerde heuning begin lyk ( dit vat nogals ‘n rukkie, maar moenie moedeloos word nie) gooi uit in ‘n vierkantige plastiek bak wat uitgevoer is met ‘n linnelap (die lap kan net die bodem bedek en lank genoeg wees dat jy vatplek het wanneer jy die seep uitkeer). Die mengsel behoort warmer te word as gevolg van ‘n chemiese reaksie. Sit die bak met die mengsel bo-op in hout broodplank met ‘n stainless steel skinkbord bo-oor die bak en bedek met swartsak en met ‘n kombers. Maak die seep laatmiddag en laat dit staan tot die volgende oggend. Maak die kante van die seep los van die bak en trek nou die lap aan weerskante stadig totdat dit loskom van die boom, keer die seep uit en merk die stene uit en sny met skerp mes. Laat staan vir ‘n week of wat voordat jy daarvan gebruik.

Jy behoort 12 stene uit te sny van 8 x 7 cm en omtrent 3 cm dik.