Tuesday, 8 November 2016

Wortel-en-beetslaai




Wortel-en-beetslaai
Al wat jy nodig het is…
1 bossie beet...
2-3 groot wortels
groot handvol vars ment (hou die blaartjies heel as hulle klein is, of sny hulle in dun repe)
¼ koppie pampoensade
½t fyn komyn
¼t fyn koljander

½t harissa spesery mengsel (loer by Woolworths – as dit absoluut moet, kan jy dit vervang met ’n klein knippie droë rissie)
4E goeie olyfolie
2E witwyn asyn
¼t sout
1t suiker
Kook die beet (ongeskil) in ’n groot pot water tot sag. (Ek dink eintlik die beste beetsmaak word verkry deur hulle in foelie toe te draai en in die oond te rooster. Maar dit vat lank en elektrisiteit is duur.)
Verwyder die beet, laat afkoel en skil. Skil die wortels en rasper of sny in lang dun repe met jou groenteskiller. Sit die speserye in ’n kleevrye pan en verhit vir ’n paar sekondes, nét tot jy die speserye ruik. Jy will hulle wakker maak, nie brand nie. Verwyder en voeg die asyn, oilie, sout en suiker by en meng goed.
Voeg die wortels by die beet, gooi die slaaisous oor en heel laaste die pampoensade en ment.

No comments:

Post a Comment