Tara se bierbrood
Koekedoor Tara se bierbrood is maklik en vinnig om te maak, maar baie lekker om te eet. Sit warm voor saam met hope botter.
Bestanddele
- 250 g meel
- 125 g volgraanmeel (nutty wheat)
- 15 ml bakpoeier
- 7,5 ml sout
- 5 ml suiker
- 5 ml vinkel (vars, fyngekap)
- 150 g Cheddarkaas
- 50 g biltong (gekerf, in growwe stukke gesny)
- 330 ml bier (koud)
- 30 ml sonneblomsaad (gerooster)
Instruksies
- Verhit oond tot 180°C. Smeer ’n 20 cm x 12 cm-broodpan.
- Meng die meel, bakpoeier, sout, suiker en vinkel in ’n groot bak.
- Voeg die biltong en kaas by.
- Roer die bier deur die mengsel.
- Sprinkel die sonneblomsade bo-oor.
- Bak in die middel van die oond vir ongeveer 45-55 min.
- Laat koel in pan vir +/- 10 min. en keer uit op afkoelrak.
