Corli se bierbrood

Corli se bierbrood
Probeer gerus die Koekedoor Corli se resep vir bierbrood met mielies, kaas en spek.

Porsies 1 groot, of 2 klein brode

Bestanddele

• 100 g spek (fyn gesny)
• ½ ui (fyngekap)
• botter (vir braai)
• 500 g bruismeel
• 5 ml sout
• 200 g Cheddarkaas (gerasper)
• 340 g mielies (blikkie – gedreineer)
• 330 ml bier
• 1 mielie (gaar en aan stronk)

   

Instruksies

1. Verhit oond tot 180˚C. Smeer broodpan.
2. Braai uie en spek in ’n bietjie botter tot goudbruin en gaar. Laat afkoel.
3. Terwyl die uie en spek afkoel, sny die pitte van die gaar mielie in repe van die stronk af en plaas onder in die broodpan.
4. Sif meel en sout saam. Roer die geblikte mielies, kaas en die afgekoelde ui-en-spek-mengsel by. Voeg bier by en meng goed met vurk of lepel.
5. Skep mengsel in pan. Bak in oond vir een uur of tot gaar. Gebruik ’n toetspen om seker te maak dis gaar.
6. Haal uit en laat rus vir 5 minute voor jy die broodjie uitkeer op ’n afkoelrak.