Suretha se dadelblokkies
Suretha gebruik haar ouma se resep vir koekies wat so eie is aan vakansies en eksamenskryf. Ook heerlik in die padkosmandjie. Die Koekedoor-beoordelaars het groot lof vir hierdie ongebakte koekies gehad.
Bestanddele
- 250 g margarien (of botter)
- 1 k suiker
- 2 eiers
- 1 t vanieljegeursel
- 1 k dadels fyngekap
- 1¼ pakkies Marie-koekies (¼ pakkie vir brosheid), in bonkige stukke gebreek
- klapper (vir rol)
Instruksies
- Smelt margarien/botter in ’n kastrol, en voeg suiker en goedgeklitste eiers by.
- Roer oor baie lae hitte totdat mengsel dik word. Voeg vanielje en dadels by.
- Haal die mengsel van die plaat af en roer gebreekte Marie-koekies daarby.
- Skep die mengsel op ’n gesmeerde bakplaat en druk plat. Plaas in yskas tot koud.
- Sny in blokkies en rol in die klapper.
