Sanet se pantoffel-broodpoeding
Die kombinasie van pekanneute en brandewyn is een van Koekedoor se Sanet se gunstelinge vir gebakte poedings. ’n Krummellagie van neute bo-op gee hier ’n lekker tekstuur saam met die vlaerige sagtheid van die poeding.
|
Bestanddele
Poeding
- 5 eiers
- ⅕ koppie suiker
- 250 ml room
- 250 ml melk
- 5 ml vanielje-ekstrak
- 4 koppies brood (in blokkies gesny – Sanet gebruik pantoffelbrood en croissants)
- 60 g botter
- 125 ml bruinsuiker
- 200 g pekanneute
Sous
- 200 ml bruinsuiker (sagte bruinsuiker)
- 75 g botter
- 5 ml vanielje-ekstrak
- 60 ml brandewyn
Instruksies
- Smeer ’n oondvaste bak van 30 cm x 15 cm x 5 cm met botter.
- Voorverhit die oond tot by 175°C.
- Meng eiers, suiker, room, melk en vanielje saam.
- Sny pantoffelbrood in blokkies en breek croissants in fyner stukkies.
- Giet eiermengsel oor brood en laat staan vir 15 minute.
- Vir die neutmengsel, meng in ’n ander bak 60 g botter, suiker en neute en vryf botter in met jou vingerpunte.
- Gooi die broodmengsel in die oondbak en strooi neutmengsel bo-oor.
- Bak vir omtrent 40-45 minute of to jou poeding gestol is.
- Vir die sous, smelt die botter, roer die bruinsuiker, vanielje en brandewyn by en kook tot gesmelt.
