Metode
Spinasie-puree:
Blansjeer die spinasie en plaas in ‘n voedselverwerker met die room.
Verwerk tot ‘n gladde puree.
Tamatie-puree:
Verhit die olie in ‘n braaipan en braai die uie tot goudbruin en gaar.
Voeg die tamatie-pasta by en braai vir nog 2-3 minute.
Harlekyn omelet:
Voorverhit die oond tot 160°C.
Voer ‘n broodpannetjie met kleefplastiek uit.
Klits 6 eiers in ‘n mengbak, voeg spinasie-puree by en geur goed met sout en swartpeper.
Verhit ‘n braaipan met 1e olie.
Giet die spinasie-eiermengsel daarin en roer vir 2-3 minute todat die eier begin stol.
Skep die roereier in die voorbereide broodpannetjie.
Klits nog 6 eiers in ‘n mengbak, voeg Parmesaankaas by en geur goed met sout en swartpeper.
Verhit ‘n braaipan met 1e olie.
Giet die eiermengsel daarin en roer vir 2-3 minute todat die eier begin stol.
Skep die roereier bo-op die spinasie-laag in die broodpannetjie.
Klits die laaste 6 eiers in ‘n mengbak, voeg tamatie-puree by en geur goed met sout en swartpeper.
Verhit ‘n braaipan met 1e olie.
Giet die tamatie-eiermengsel daarin en roer vir 2-3 minute todat die eier begin stol.
Skep die roereier op die Parmesaan-laag in die broodpannetjie.
Plaas die broodpannetjie in ‘n waterbad en bak die harlekyn omelet vir 10-15 minute.
Keer die omelet uit, sny in skywe en bedien warm met roosterbrood. |
