‘SEXY’ AARTAPPELSLAAI
JY BENODIG
1kg aartappels
2 eetlepels druiwepitolie
seesout
½ koppie vars ertjies, geblansjeer
¼ koppie olyfolie
4 eetlepels witwynasyn
1 eetlepel heuning
1 teelepel franse mosterd
skil van ½ suurlemoen
2 eetlepels pietersielie, gekap
2 eetlepels grasuie, gekap
grofgemaalde swartpeper
heel grasuie
METODE
Was aartappels, droog, en sny in skywe. Plaas op bakplaat, sprinkel met olie en bak in oond teen 180˚c tot goudbruin. Geur liggies met sout. Meng res van bestanddele behalwe swartpeper en heel grasuie. Skep aartappels op opdienbord, strooi ertjies oor, skep sous bo-oor. Geur met swartpeper en garneer met grasuie.
