Dadelbrood met hawermout en pekanneute

1 pakkie ontpitte dadels, baie fyn gesnipper
5 ml koeksoda
250 ml kookwater
125 ml strooisuiker
30 ml heuning
5 ml vanieljegeursel
375 ml bruismeel
125 ml hawermout
1 pakkie (100 g) pekkanneute, gekap
60 ml ekstra hawermout, om bo-oor te sprinkel
botter, om mee voor te sit
 
Sit die dadels in ’n bak en sprinkel die koeksoda oor. Voeg die kookwater, strooisuiker, heuning en geursel by en roer deur. Laat staan vir vyf minute. Meng die bruismeel, hawermout en neute saam in ’n mengbak en voeg die dadelmengsel daarby.
Meng goed en giet in die broodpan. Sprinkel die hawermout bo-oor en bak vir sowat 50 minute of tot die brood deurgaar is. Laat vir vyf minute in die pan afkoel en keer dan uit op ’n draadrak. Laat afkoel tot louwarm of tot kamertemperatuur. Lewer 8-10 snye.