4 porsies
- 30 ml olyfolie
- 14 chipolata-varkworsies
- 250 g repiespek (streaky bacon), in blokkies gesny
- 1 ui, in skywe gesny
- 1 knoffelhuisie, fyngekap
- 250 ml witwyn
- 200 ml hoender-aftreksel
- 2 blikke (400 g elk) botterbone, gedreineer (probeer gerus 1 blik bone en 2 patats in blokkies gesny)
- sout en varsgemaalde swartpeper na smaak
- fyngekapte pietersielie
Verhit olyfolie in ’n kastrol. Braai worsies vir sowat 5 minute tot ligbruin. Hou eenkant. Braai spek in dieselfde kastrol tot effens bruin en voeg ui en knoffel by. Voeg worsies, witwyn, hoender-aftreksel en botterbone by. Geur met sout en swartpeper. Laat prut vir sowat 15 – 20 minute tot worsies gaar is. Sprinkel pietersielie oor.
