Uit Cooking from the heart Lewer 12 muffins
1 k (250 ml) koekmeel
1 k (250 ml) volkoringmeel
1 e (15 ml) bakpoeier
2 t (10 ml) gemaalde kaneel
½ k (125 ml) suiker
1 k (250 ml) gerasperde appels
1 k (250 ml) fyngerasperde wortels
3 eiers, geklits
100 ml lae-vet melk
½ k (125 ml) sonneblomolie
1 t (5 ml) vanieljegeursel
- Voorverhit die oond tot 180 °C en voer ‘n 12-holte muffinpannetjie uit met muffin-papiertjies.
- Meng die droë bestanddele in ‘n mengbak saam. Roer die appels en wortels by tot goed gemeng.
- Klits eiers, melk, olie en vanielje saam. Roer die eiermengsel by die droë bestanddele tot net deur gemeng, maar wees versigtig om dit nie te veel te meng nie.
- Verdeel die beslag eweredig tussen die holtes en bak 15-20 minute of tot goudbruin en gaar.
1. Meng 2 t suiker en ‘n knippie gemaalde kaneel saam en sprinkel oor die muffins voor dit gebak gaan word.
2. Versier die muffins met ‘n suurlemoen versiersel - meng ½ k (125 ml) versiersuiker met 1 e (15 ml) suurlemoensap saam en drup oor die muffins.
3. Bak die beslag in ‘n 20 cm-koekpan vir 30-35 minutes. Gebruik die versiersel in bg wenk vir ’n wortelkoek of sit dit warm as nagereg met ongegeurde jogurt voor.
