teddiebeer

Die pragtige, helderkleurige vervilte teddiebeer is net die geskenk vir ‘n kleinding.

Jy benodig

• 4 x 50 g-bolle Elle Merino Brights in Underbrush kleur no. 343
• 5,5 mm-breipenne
• 2 bruin 12 mm-glasoë
• swart 27 mm-plastiekneus
• swart oorskiet-breidraad vir borduur van mond
• stukkie lint
• poliëster-speelgoedstopsel
• patroon vir teddiebeer se kop (klik op die PDF knoppie om dit af te laai)

Spanning

17 ste en 21 rye = 10 cm oor ks met 5,5 mm-penne.

Afkortings

aw – aweregs
beg – begin
her – herhaal
ks – koussteek
pat – patroon
r – regs
RK – regte kant
st(e) – steek (steke)
tes – tesame
vermeer – vermeerder
vermin – verminder
VK – verkeerde kant
vlg – volgende
weersk – weerskante

SO MAAK JY

Lyf

Beg aan onderkant en stel 20 ste op met 5,5 mm-penne.
1e ry: r.
2e ry: aw.
3e ry: vermeer in 1e st, r3, vermeer in vlg st, r4, vermeer in vlg 2 ste, r4, vermeer in vlg st, r3, vermeer in laaste st [26 ste].
4e ry: vermeer in 1e st, aw10, vermeer in vlg 4 ste, aw10, vermeer in laaste st.
5e ry: vermeer in 1e st, r6, vermeer in vlg 2 ste, r6, vermeer in vlg 2 ste, r6, vermeer in vlg 2 ste, r6, vermeer in laaste st [40 ste].
6e ry: aw19, vermeer in vlg 2 ste, aw19 [42 ste].
7e ry: vermeer in 1e st, r19, vermeer in vlg 2 ste, r19, vermeer in laaste st [46 ste].
8e ry: vermeer in 1e st, aw9 ste, vermeer in vlg st, aw24 ste, vermeer in vlg st, aw9 ste, vermeer in laaste st [50 ste].
9e ry: r24, vermeer in vlg 2 ste, r24 [52 ste].
10e ry: vermeer in 1e st, aw11, vermeer in vlg st, aw26 ste, vermeer in vlg st, aw11 ste, vermeer in laaste st [56 ste].
11e ry: r27, vermeer in vlg 2 ste, r27 [58 ste].
12e ry: vermeer 1 st aan weersk in ry [60 ste].
13e ry: r29, vermeer in vlg 2 ste, r29 [62 ste].
14e ry: aw
15e ry: r.
16e ry: aw.
17e ry: r30, vermeer in vlg 2 ste, r30 [64 ste].
18e ry: aw2 tes aan weersk van ry [62 ste].
19e ry: r.
20e ry: aw2 tes aan weersk in ry [60 ste].
21e – 28e ry: brei in ks.
29e ry: r11, r2 tes twee keer, r30, r2 tes twee keer, r11 [56 ste].
30e ry: aw.
31e ry: r26, r2 tes twee keer, r26 [54 ste].
32e – 33e ry: brei in ks.
34e ry: aw12, aw2 tes, aw26, aw2 tes, aw12 [52 ste].
35e ry: r24, r2 tes twee keer, r24 [50 ste].
36e – 37e ry: brei in ks.
38e ry: aw23, aw2 tes twee keer, aw23 [48 ste].
39e ry: r.
40e ry: aw22, aw2 tes twee keer, aw22 [46 ste].
41e ry: r10, r2 tes twee keer, r7, r2 tes twee keer, r7, r2 tes twee keer, r10 [40 ste].
42e ry: vermeer 1 st aan weersk in ry [42 ste].
43e ry: r19, r2 tes twee keer, r19 [40 ste].
44e ry: aw12, aw2 tes, aw12, aw2 tes, aw12 [38 ste].
45e ry: r17, r2 tes twee keer, r17 [36 ste].
46e ry: aw16, aw2 tes twee keer, aw16 [34 ste].
47e ry: r12, r2 tes, r1, r2 tes twee keer, r1, r2 tes, r12 [30 ste].
48e ry: aw10, aw2 tes, aw1, aw2 tes twee keer, aw1, aw2 tes, aw10 [26 ste].
49e ry: vermin 1 st aan weersk van ry [24 sts].
50e ry: aw8, aw2 tes, aw4, aw2 tes, aw8 [22 ste].
51e ry: r2 tes twee keer, r3, r2 tes, r4, r2 tes, r3, r2 tes twee keer [16 ste].
52e – 54e ry: brei in ks.
Knip breidraad af en ryg deur oorblywende ste op pen, trek styf en knoop stewig vas.

Kop

Stel 26 ste op met 5,5 mm-penne.
1e ry: r.
2e ry: aw10, vermeer in vlg st, aw4, vermeer in vlg st, aw10 [28 ste].
3e ry: vermeer 1 st aan weersk in ry [30 ste].
4e – 5e ry: brei in ks.
6e ry: aw11, vermeer in vlg st, aw6, vermeer in vlg st, aw11 [32 ste].
7e – 8e ry: stel 3 ste op aan die beg van elke ry [38 ste].
9e – 10e ry: stel 2 ste op aan die beg van elke ry [42 ste].
11e ry: vermeer in 1e st, r14, vermeer in vlg st, r10, vermeer in vlg st, r14, vermeer in laaste st [46 ste].
12e ry: vermeer 1 st aan weersk in ry [48 ste].
13e ry: vermeer in 1e st, r18, vermeer in vlg st, r8, vermeer in vlg st, r18, vermeer in laaste st [52 ste].
14e – 15e ry: brei in ks.
16e ry: vermeer 1 st aan weersk in ry [54 ste].
17e – 18e ry: brei in ks.
19e ry: r19, r2 tes, r12, r2 tes, r19 [52 ste].
20e ry: aw.
21e – 22e ry: heg 8 ste af aan die beg van elke ry [36 ste].
23e ry: r2 tes, r8, r2 tes, r12, r2 tes, r8, r2 tes [32 ste].
24e ry: aw2 tes, aw6, aw2 tes, aw12, aw2 tes, aw6, aw2 tes [28 ste].
25e ry: r2 tes, r4, r2 tes, r12, r2 tes, r4, r2 tes [24 ste].
26e ry: aw2 tes, aw2, aw2 tes, aw12, aw2 tes, aw2, aw2 tes [20 ste].
27e – 28e ry: heg 4 ste af aan die beg van elke ry [12 ste].
29e – 33e ry: brei in ks.
34e ry: vermin 1 st aan weersk in ry [10 ste].
35e – 38e ry: brei in ks.
39e ry: vermin 1 st aan weersk in ry [8 ste].
40e – 42e ry: brei in ks.
43e ry: vermin 1 st aan weersk in ry [6 ste].
44e – 52e ry: brei in ks.
Heg al die ste af.

Ore (maak 4)

Stel 11 ste op met 5,5 mm-penne.
1e – 4e ry: brei in ks.
5e ry: vermin 1 st aan weersk in ry [9 ste].
6e ry: aw.
7e ry: vermin 1 st aan weersk in ry [7 ste].
8e ry: aw.
9e – 10e ry: vermin 1 st aan weersk in ry [3 ste].
Heg al die ste af.

Bene (maak 2)

Beg by die voet en stel 60 ste op met 5,5 mm-penne.
1e – 5e ry: brei in ks.
6e ry: aw22, aw2 tes 8 keer, aw22 [52 ste].
7e ry: r.
8e ry: aw18, aw2 tes 8 keer, aw18 [44 ste].
9e ry: r.
10e ry: aw14, aw2 tes 8 keer, aw14 [36 ste].
11e ry: r.
12e ry: aw10, aw2 tes 8 keer, aw10 [28 ste].
13e ry: r8, r2 tes 6 keer, r8 [22 ste].
14e – 19e ry: brei in ks.
20e ry: aw10, vermeer in vlg 2 ste, aw 10 [24 ste].
21e – 29e ry: brei in ks.
30e ry: vermin 1 st aan weersk in ry [22 ste].
31e ry: r.
32e ry: aw9, aw2 tes twee keer, aw9 [20 ste].
33e ry: r.
34e ry: vermin 1 st aan weersk in ry [18 ste].
35e ry: r2 tes, r5, r2 tes twee keer, r5, r2 tes [14 ste].
36e ry: aw5, aw2 tes twee keer, aw5 [12 ste].
37e ry: r2 tes 6 keer [6 ste].
38e ry: aw2 tes 3 keer [3 ste].
Knip breidraad af en ryg deur oorblywende ste op pen, trek styf en knoop stewig vas.

Voetsole (maak 2)

Stel 8 ste op met 5,5 mm-penne.
1e – 3e ry: brei in ks.
4e ry: vermeer 1 st aan weersk in ry [10 ste].
5e ry: r.
6e ry: vermeer 1 st aan weersk in ry [12 ste].
7e ry: r.
8e ry: vermeer 1 st aan weersk in ry [14 ste].
9e – 27e ry: brei in ks.
28e ry: vermin 1 st aan weersk in ry [12 ste].
29e ry: r.
30e ry: vermin 1 st aan weersk in ry [10 ste].
31e ry: r.
32e ry: vermin 1 st aan weersk in ry [8 ste].
33e – 34e ry: brei in ks.
Heg al die ste af.

Arms (maak 2)

Stel 8 ste op met 5,5 mm-penne.
1e ry: r.
2e ry: vermeer 1 st aan weersk in ry [10 ste].
3e ry: r4, vermeer in vlg 2 ste, r4 [12 ste].
4e ry: vermeer 1 st aan weersk in ry [14 ste].
5e ry: r6, vermeer in vlg 2 ste, r6 [16 ste].
6e ry: vermeer 1 st aan weersk in ry [18 ste].
7e – 8e ry: brei in ks.
9e ry: vermeer 1 st aan weersk in ry [20 ste].
10e ry: aw8, aw2 tes twee keer, aw8 [18 ste].
11e – 13e ry: brei in ks.
14e ry: vermeer 1 st aan weersk in ry [20 ste].
15e ry: r8, r2 tes twee keer, r8 [18 ste].
16e – 18e ry: brei in ks.
19e ry: vermeer 1 st aan weersk in ry [20 ste].
20e – 21e ry: brei in ks.
22e ry: aw9, vermeer in vlg 2 ste, aw9 [22 ste].
23e – 25e ry: brei in ks.
26e ry: vermeer 1 st aan weersk in ry [24 ste].
27e ry: r.
28e ry: aw11, vermeer in vlg 2 ste, aw11 [26 ste].
29e – 35e ry: brei in ks.
36e ry: aw2 tes, aw9, aw2 tes twee keer, aw9, aw2 tes [22 ste].
37e – 39e ry: brei in ks.
40e ry: aw9, aw2 tes twee keer, aw9 [20 ste].
41e ry: vermin 1 st aan weersk in ry [18 ste].
42e ry: aw7, aw2 tes twee keer, aw7 [16 ste].
43e ry: vermin 1 st aan weersk in ry [14 ste].
44e ry: aw2 tes, aw1, aw2 tes 4 keer, aw1, aw2 tes [8 ste].
Knip breidraad af en ryg deur oorblywende ste op pen, trek styf en knoop stewig vas.

Afwerking

Let wel Die teddiebeer op die foto is vervilt. As jy nie jou teddiebeer wil vervilt nie, volg die aanwysings vir die afwerking. Stop net elke deel styf op en ignoreer die aanwysings vir vervilting. Werk al die dele met agtersteek aan mekaar.

Lyf

Werk die agternaat toe met die regte kante teen mekaar, maar laat ‘n opening vir opstop. Stop lossies op (die gebreide deel moet opgestop wees, maar nie te styf nie) en werk die opening met dwarssteek toe.

Kop

Werk die synate van die kopinsetsel aan mekaar met die regte kante teen mekaar (sien diagram 1 van patroon), dan die snoet (sien diagram 2) en laat die nek (opstelrand) oop. Sit die neus en oë stewig vas voordat opgestop word. Stop die kop op. Werk ‘n ry rygsteke rondom aan die nekrand en trek styf. Eindig stewig af. Speld die kop aan die lyf sodat die naat van die neus en die middelvoor van die lyf ooreenkom. Werk die kop stewig aan die lyf vas deur die kop in die lyf af te druk en vas te werk – maak seker die kop bly reguit. Hoe stewiger jy die kop in die lyf druk, hoe vaster sal die kop sit.

Ore

Werk die buitenste geronde rand toe met die regte kante teen mekaar – laat ‘n opening by die opstelrand. Dop na die regte kant om en werk die opening met dwarssteek toe. Werk stewig aan die kop vas.

Bene

Vou in die helfte met die regte kant binne en werk die naat toe, maar laat ‘n opening vir opstop. Werk die voetsool aan die onderkant van die voet vas met die regte kante teen mekaar. Dop na die regte kant om en stop lossies op. Werk die opening toe. Werk die bene aan die lyf vas – werk ‘n groot deel van die been aan die lyf vas sodat die teddiebeer kan staan.

Arms

Maak net soos met die bene. Werk die arms aan die lyf vas.

Vervilting

Let wel Die teddiebeer sal krimp nadat dit vervilt is.
Sit die teddiebeer in ‘n kussingsloop en in jou wasmasjien op ‘n warm siklus. Moet nie dat die wasmasjien na uitspoel en wenteling oorskakel nie, maar draai die siklus aanhoudend terug sodat dit die breiwerk in beweging sal hou en vervilting veroorsaak. Kyk gereeld hoe dit vorder, want jy kan nie die vervilting ongedaan maak nie. Wanneer jy tevrede met die vervilting is, haal die teddiebeer uit die wasmasjien en was dit in koue water om die vesels te skok en die verviltingsproses stop te sit.
Laat op ‘n goedgeventileerde plek droog word.
Voltooi die teddiebeer deur die mond te borduur en ‘n lint om die nek te bind.

(Idees)