Bestanddele:
1 kg klein uitjies
2 t mosterd
1 t mielieblom
½ t borrie
¼ k koue water
2 k bruin druiweasyn
¾ k suiker
½ t sout
3 eiers
Metode:
Kook die uitjies tot dit gaar is maar steeds ferm.
Dreineer dit op ‘n sif.
Maak die mosterd, mielieblom en borrie met koue water aan en roer.
Meng dit met die asyn en voeg dit saam met die suiker en sout in ’n kastrol.
Verhit stadig tot die suiker gesmelt het en laat dit kook.
Klits die eiers en voeg die asynmengsel stadig by.
Verhit die sous stadig en roer tot dit verdik.
Giet die warm sous oor die uie.
