Tuesday, 21 February 2017

PLATHOENDER OP DIE ROOSTER



PLATHOENDER OP DIE ROOSTER
JY BENODIG:
1 medium hoender
2 suurlemoene
½ koppie olyfolie...
½ koppie sojasous
’n hand vol vars tiemietakkies
’n hand vol sesamsaad
1 groot vriessakkie

 SO MAAK JY MET 'N PLAT HOENDER
Draai die hoenderkarkas op sy rug sodat die boudjies weg van jou af wys.
Neem ’n kombuisskêr en knip die hoender van die nek af, deur die borsbeen, tot heel agter deur.
Druk dan die hoender met jou hande oop en plat.
Sit die hoender in ’n groot genoeg Tupperware-bak sodat hy plat op sy rug kan lê.
Sny die suurlemoene in die helfte deur en druk die sap bo-oor die plat hoender uit.
Giet ook die sojasous en olyfolie eweredig oor die hoender.
Sprinkel nou die tiemie bo-oor.
Vou die hoender weer toe (met van die tiemietakkies binne-in die hoender) en sit dit in ’n vriessakkie (dan het jy minder skottelgoed).
Giet die marinade by die hoender in, knoop die sakkie toe en kantel dit ’n paar keer sodat die marinade die hoender aan alle kante bedek.
Laat die hoender vir ’n uur lank marineer.
En dan braai jy hom só
Knyp die hoender in die rooster vas, braai dit oor ’n warm vuur (ons meen nou sommer báie warm) en draai dit elke 5-7 sekondes om.
Jy kan elke nou en dan van die marinade met ’n kwassie of roosmaryntakkie oor die hoender verf.
Ná 15 minute kan jy die sesamsaad aan albei kante oorsprinkel.
Die hoender behoort ná ongeveer 20 minute gaar te wees.
Die boudjies vat die langste om gaar te word; sodra jy een van hulle met jou hand kan afbreek, is die hoender reg om afgehaal te word.
Maak die volgende oggend hoender-en-mayonnaise-broodjies met die ontbeende oorskiet.

No comments:

Post a Comment