Monday, 27 June 2016

Vrugekoek sonder sukkel




Dora noem haar vrugtekoek baie gepas “Vrugekoek sonder sukkel” en dit is absoluut heerlik...

Ons begin deur te sê Dora bak haar koek in ‘n 23cm deursneë vlekvrye kastrol met die deksel op. Voer uit met ‘n dubbellaag waspapier of bakpapier - maak seker dat jy dit deeglik met Spray ‘n Cook spuit...

Bestanddele
Meng saam: 
500g vrugtekoekmengsel
300ml wyn
350ml bruinsuiker
½ blik ingemaakte pynappel
250g dadels (kleiner gesny)
250g botter
100g kersies
100ml groenvyekonfyt of “ginger melon” konfyt

Meng bogenoemde alles saam en mikrogolf op hoog vir 10 minute. Voeg dan 10ml koeksoda by en laat afkoel.

Sif saam:
720ml meelblom
5ml gemengde speserye
50ml kakao
2.5ml sout

Stel jou oond teen 150°C. Sodra die nat bestanddele afgekoek is, voeg jy 3 “jumbo” eiers (geklits) by en meng deeglik. Vou droë bestanddele in en 100ml gekapte neuter of sonneblomsaad (opsioneel). Skep in voobreide kastrol, plaas deksel op en bak teen 150°C vir 3½ (drie-en-’n-half) uur. Laat die koek afkoel MET die delsel op.

Gooi 125ml sjerrie/brandewyn or na smaak. Bêre in digte houer vir nagenoeg 6 tot 8 weke en “dokter” een maal per week so drie keer) met twee proppies sjerrie of brandewyn. Versier soos jy dit verkies - absoluut heerlik met of sonder vla of watter bykomstigheidjie jy ook al verkies.

No comments:

Post a Comment