Sanet se muffins

Sanet se muffins
Sanet bedien pesto- en olyf-muffins met ’n heerlike jogurtsous. Kry dié Koekedoor se resep hier.

Porsies 12 muffins

Bestanddele

Muffins:

• 500 ml koekmeel
• 15 ml bakpoeier
• 5 ml sout
• 375 ml wit cheddarkaas gerasper
• 1 bossie sprietuie (wit deel) gekap
• 100 g olywe ontpit en gekap
• 200 ml karringmelk
• 50 ml basieliekruidpesto
• 80 ml olie
• 1 groot eier

Jogurtsous:

• 1/2 k gewone jogurt
• komkommer in stukkies gesny

   

Instruksies

1. Voorverhit oond teen 200 °C en spuit ‘n muffinpan met kleefvrysproei.
2. Sif die meel, bakpoeier en sout in ‘n mengbak. Voeg die kaas, sprietuie en olywe by en meng deeglik.
3. Meng die karringmelk, pesto, olie en eier deeglik in ‘n aparte bak saam.
4. Sny die nat bestanddele by die droë bestanddele met ‘n bottermes tot net gemeng.
5. Skep beslag in die muffinpan en bak vir 20 minute.
6. Haal uit en laat afkoel.
7. Bedien saam me jogurtsous.