Leroux van Vuuren se Boelie-burgers
Leroux van Vuuren van Kokkedoor-faam het tydens ’n uitsending van Kampkos vir ons gewys hoe om sy smullekker boelie-burgers voor te berei. Kry sy resep hier:
Bestanddele
- 1 blik boeliebief
- 1 blik pitmielies (in water)
- 5 ml bakpoeier
- 400 g kaas
- 1/2 k meel
- 200 ml room
- 2 eiers
- 2 uie (of een groot ui)
- 300 g spek
- sprietuie
- sout
- peper
- olyfolie
- blaarslaai
- frikkadelbroodjies
- heuning
- Dijon-mosterd
PorsiesJy kan die aantal porsies hier aanpas:
Instruksies
- Kap die spek en uie fyn – Leroux los een stukkie spek heel as garnering.
- Braai die spek en uie in ’n pan in die olie.
- Breek die eiers in ’n mengbak.
- Voeg die helfte van die room by asook die meel en bakpoeier.
- Voeg ’n knippie sout en peper by en meng alles deur.
- Meng dan ook die kaas, boeliebief en die sprietuie goed deur die beslag.
- Voeg laastens die spek- en uiemengsel by die beslag.
- Maak dan koekies met die beslag en bak dit met ’n bietjie olie in ’n pan – dit word die frikkadelbroodjie se “patty”.
- Maak ’n lekker sous vir die frikkadelbroodjie deur die res van die room te meng met Dijon-mosterd en heuning. Kook dit so bietjie saam totdat dit dikker word.
- Rooster die broodjies op die vuur voordat jy die boelie-burger bou.
