Tuesday, 19 April 2016

Ontbyttert




Ontbyttert
■ 300 g skilferkorsdeeg
Vulsel
■ 30 ml olyfolie...
■ 2 uie, gekap

■ 2 knoffelhuisies, gekap
■ 1 pak (250 g) spekvleis, gesnipper
■ 250 g sampioene van jou keuse, gesnipper
■ 250 g kersietamaties
■ 6 ekstragroot eiers
■ 125 ml melk
■ 125 ml room
■ Sout en vars gemaalde swartpeper na smaak

Smeer ’n diep 22 cm-losboomtertpan met olie. Rol die vel skilferkorsdeeg effens dunner uit en voer die tertpan daarmee uit sodat die deeg effens oor die pan se rand hang. Verkoel vir 30 minute. Voorverhit die oond tot 190°C. Verhit die helfte van die olie en braai die uie, knoffel en spek daarin tot gaar. Voeg die sampioene by en braai tot gaar en nie meer waterig nie.

Verhit die res van die olie in ’n kleiner pan tot baie warm en braai die tamaties baie vinnig daarin tot die skilletjies bars. Verwyder van die hitte en hou eenkant. Bak die tertdeeg vir sowat 15 minute totdat die deeg op die boom van die pan nie meer klam lyk nie en die kante wat oor die pan hang, begin gaar word. Haal uit die oond en skep die uie, spek en sampioenmengsel, asook die tamaties in die halfgaar kors.

Klits die eiers, melk en room saam en geur mildelik met sout en peper. Giet dit oor die vulsel en maak seker dat dit oral tussen die vulselbestanddele inloop. Verlaag die oondtemperatuur tot 160°C en bak die tert vir 35–55 minute (die baktyd sal afhang van hoe diep die pan is). Die tert is reg as die vulsel ferm in die middel is. Haal uit die oond en laat vir 15 minute afkoel. Sit voor met ’n groen slaai. Lewer 10–12 porsies.

No comments:

Post a Comment