Muesli-en-karringmelkbeskuit
Lewer sowat 70 stukke
Bereiding: 15 minute
Baktyd: 45-50 minute
Uitdroogtyd: 3-4 uur
500 g botter of margarien
25 ml (5 t) melasse
500 ml (2 k) karringmelk
2 eiers, geklits
1 kg bruismeel
15 ml (1 e) bakpoeier
5 ml (1 t) sout
400 ml sagte bruinsuiker
750 ml (3 k) muesli
200 ml klapper
80 ml (1⁄3 k) pampoenpitte
100 ml heel amandels, helfte grof gekap
Voorverhit die oond tot 180 °C. Smeer drie klein broodpanne (18 cm x 9 cm elk) deeglik.
1.Smelt die botter of margarien. Laat dit effens afkoel en klits die melasse, karringmelk en eiers daarby in.
2.Meng die res van die bestanddele goed en voeg die bottermengsel by. Roer met ’n houtlepel om goed te meng. Skep die deeg in die panne en druk dit gelyk.
3.Bak 45-50 minute of tot goudbruin en gaar. Laat die beskuit 15 minute in die panne afkoel. Keer dit dan uit op draadrakkies sodat dit heeltemal kan afkoel.
4.Sny dit in stukke of breek dit versigtig.
5.Laat die beskuit 3-4 uur uitdroog.
