Salami Brood
LEWER 1 MIDDELSLAG-BROOD
Bereiding: 20 min.
Rystyd: 45 min.
Baktyd: 30-35 min.
10 g droë kitsgis
480 g koekmeel
30 ml (2 e) suiker
7 ml (1½t) sout
30 g botter, gesmelt
250 ml (1 k) bier
10 ml (2 t) mosterdpoeier
1 eier
125 ml (½ k) louwarm water
100 g salami, gekap
Voorverhit die oond tot 180 °C en spuit ’n bakplaat met kossproei.
- Meng die gis, meel, suiker en sout in ’n groot bak.
- Klits die botter, bier, mosterd, eier en water saam.
- Maak ’n dammetjie in die middel van die bak met die droë bestanddele en voeg die biermengsel by. Meng tot ’n sagte, elastiese deeg.
- Knie die deeg op ’n meelbestrooide oppervlak en voeg die salami by.
- Plaas die deeg terug in die bak en laat sowat 30 minute tot dubbel die grootte rys.
- Knie die deeg af en vorm dit soos jy wil. Plaas dit op die bakplaat en laat weer sowat 15 minute rys. Bak 30-35 minute tot die brood hol klink wanneer jy daarop klop.
