Marmite-skontert
LEWER 1 TERT VAN 24 CM
Bereiding: 25 minute
Baktyd: 15 minute
DEEG
500 ml (2 k) koekmeel
20 ml (4 t) bakpoeier
3 ml (ruim ½ t) sout
50 g botter, sag gemaak
125 g cheddarkaas, gerasper
250 ml (1 k) water
BOLAAG
75 g botter
60 ml (¼ k) Marmite
Voorverhit die oond tot 200 °C.
Smeer ’n oondvaste bak van 24 cm.
- DEEG Sif die meel, bakpoeier en sout saam.
- Vryf die botter by die meelmengsel in en voeg die kaas by.
- Voeg net genoeg water by en roer tot ’n deeg met ’n spatel. Wees versigtig dat jy nie te veel meng nie.
- Skep die deeg in die oondbak en maak bo effens gelyk.
- Bak 15 minute in die oond tot die tert goudkleurig is en ’n toetspen skoon uitkom.
- BOLAAG Smelt die botter en Marmite saam en skep oor die skondeeg wanneer dit uit die oond kom. Sit louwarm voor.
