Glutenvrye sjokolade-peerkoek
LEWER 1 RINGKOEK
Bereiding: 20 min.
Gaarmaak: 50 min.
KOEK
230 g glutenvrye meel
5 ml (1 t) bakpoeier
60 ml (¼ k) kakao
’n knippie sout
3 eiers
250 ml (1 k) suiker
125 ml (½ k) gekapte
donkersjokolade
20 ml (4 t) gekapte
roosmarynblaartjies
3 pere, gerasper
250 ml (1 k) grof
gekapte makadamia of pekanneute
5 ml (1 t) vanieljegeursel
GANACHE
100 g donkersjokolade
160 ml ( k) klappermelk
AFRONDING
roosmarynblaartjies
Voorverhit die oond tot 180 °C. Spuit ’n 20 cm-Bundt-pan goed met kossproei. Stuif liggies met kakao.
- Koek Sif die meel, bakpoeier, kakao en sout saam.
- Klits die eiers en die suiker saam tot dik.
- Vou die droë bestanddele liggies by die suiker in.
- Voeg die sjokolade, roosmaryn, pere, neute en geursel by.
- Skep in die pan en bak 45-50 min. Keer op ’n draadrakkie uit om af te koel.
- Ganache Smelt die sjokolade in die mikrogolf of oor kookwater. Roer die klappermelk stadig by. Laat effe afkoel. Giet oor die koek.
- Afronding Sprinkel die roosmaryn oor.
