Genoeg vir 4 mense
Bereiding: 15 minute
Gaarmaaktyd: 35-40 minute
staantyd: 15 minute
olyfolie
400 g hoenderborsfilette, in blokkies gesny
sout en peper na smaak
1 ui, gekap
150 g sampioene, in skyfies gesny
5 ml (1 t) droë basiliekruid
5 ml (1 t) droë oregano
2 songedroogde tamaties in vinaigrette, gekap
250 ml (1 k) gerasperde sterk cheddar- of fetakaas
8 snye witbrood sonder korsies, in driehoekies gesny
3 ekstragroot eiers
300 ml melk
vars basilieblare slaai vir voorsit
- Voorverhit die oond tot 180 °C.
- Smeer ’n oondvaste bak.
- Verhit die olie, geur die hoender met sout en peper en braai in die warm olie tot effens bruin. Bedek en stoombraai tot gaar.
- Skep die hoender uit en roerbraai die ui tot sag. Voeg die sampioene by en roerbraai tot gaar.
- Meng die uimengsel met die hoender en voeg die kruie, tamatie en die helfte van die kaas by.
- Rangskik die brood in die bak en giet die hoendermengsel oor.
- Klits die eiers en melk saam, geur met sout en peper en giet oor die hoendermengsel. Laat 15 minute staan om
- goed in te trek. Sprinkel res van die kaas oor en bak 35-40 minute tot gestol.
- Garneer met vars basilie en sit voor met slaai.
