Geurige hoender met botterboontjies
4-6 hoenderborsfilette, in blokke gesny
sout en peper
30 ml (2 e) olie
2 uie, in skywe gesny
15 ml (1 e) borrie
2 ml (½ t) fyn komyn
2 ml (½ t) fyn koljander
1 kaneelstokkie
125 ml (½ k) hoenderaftreksel
1 x 410 g-blik botterboontjies
125 ml (½ k) Griekse jogurt
hand vol gekapte koljanderblare
- Geur die hoender met die sout en peper.
- Verhit die olie en braai die uie tot goudbruin. Voeg die borrie, komyn, koljander en kaneel by en roerbraai tot geurig.
- Voeg die hoender by, roerbraai ’n paar minute en voeg die aftreksel by. Laat prut 15 minute of tot die hoender gaar is.
- Roer die boontjies en jogurt deur en laat stadig prut tot effens verdik.
- Sprinkel die koljander oor en sit voor op basmatirys
