Deftige Kitspoeding

Deftige Kitspoeding

Jy benodig

• 900 ml koue melk
• 2 x 90g-pakkies kitspoeding (“Butterscotch” en “Caramel” is die lekkerste)
• 1 klein blikkie ingemaakte pere of perskes
• 1 blikkie kondensmelk

Só maak jy

• Gooi die koue melk in ’n glasbak en strooi die pakkies bo-oor.
• Klits dit goed met ’n vurk of draadklitser totdat dit mooi glad is.
• Nou wag jy tien minute sodat jou poeding kan stol – in óf buite die yskas.
• Rangskik die ingemaakte vrugte bo-op die poeding en gooi ’n dun stroompie kondensmelk oor.

(Weg)