Hoender Noedel Sop
Gebruik oorskiet hoendervleis om hierdie sop te maak, andersins kan jy hoenderborsies of dytjies in repe sny en roerbraai tot gaar.
BESTANDDELE
30 ml olyfolie
1 ui, gekap
2 knoffelhuisies, gekneus en gekap
1 rooirissie, aar en sade verwyder en fyngekap
2-3 cm gemmer, geskil en gerasper
1 blik / 400 ml kokosneutmelk
1 x 300 g pakkie vars gemengde groente
Omtrent 400-500 g oorskiet hoendervleis, vel en been verwyder
750 ml hoenderaftreksel
3 pakkies 2 minuut noedels
30 ml sojasous
30 ml soetrissiesous
vars koljanderblare (opsioneel)
Kom ons kook
1. Verhit olyfolie in ’n groot pan en sorteer ui, knoffel, rissie en gemmer vir sowat 4 minute.
2. Voeg kokosneutroom of kokosneutmelk by, asook die gemengde groente.
3. Kook liggies vir sowat 5 minute en voeg dan gaar hoendervleis by. Kook deur.
4. Voeg 2 minuut noedels by en geur met sojasous en soetrissiesous na smaak.
5. Kook deur en bedien in diep sopbakke. Garneer met vars koljanderblare. Bedien as ’n ligte aand- of middagete.
