Wanneer hulle 'n groente tuintjie begin deur saadjies te saai leer hul vir hul self kos voorsien. Hulle sien hoe 'n paar saadjies kan verander in pragtige tamaties op die etenstafel.
Wanneer jy saam met hulle 'n paar blommetjies plant, leer hulle dat wanneer hulle vir 'n plantjie sorg, gee die plantjie weer eendag terug met oorvloed.
'n Liefde vir die natuur en respek vir die natuur is een van die belangrikste dinge wat ons ons kinders kan leer. Begin al kleintyd en geniet die sonnige dae saam met jou kinders in die tuin.
Jy kan selfs:
- 'n "feetjie tuin" vir 'n dogtertjie aanplant: Plant mooi blommetjies en sit 'n paar feetjies (te koop by goedkoop winkels) tussen die blomme. Hang 'n paar kristalletjies aan linte in die tuin.
- 'n "motor-renbaan" tuintjie vir 'n seuntjie aanplant: Plant aarbeie of ander plantjies in ou motorbande wat jul op mekaar stapel en helder kleure verf. Sit ou vragmotortjies wat hy nie meer mee speel nie in die tuin en plant plantjies in die tip-bak van die vragmotor. Maak resiesbaan vlae aan stokke vas en steek hul in die tuin vir boontjies om daarteen te rank.
