Die vakansie is hier en die winter weer ook, so hoe kan mens die kinders besig hou in die huis? Hier is ‘n paar voorstelle:
- Natuurlik is ‘n DVD en springmielies die ideale winter vakansie tydverdryf.
- Koop ‘n pakkie kits kollewyntjies en gee hul verskeie opsies vir versiering of bak sommer ‘n plaatkoek, sny dit in blokkies en laat hulle dit versier.
- Koop ‘n pakkie blaardeeg en voorsien daarmee saam koekie drukkers en ‘n koekroller – dit verskaf groot plesier.
- Maak jou eie goedkoop speel klei in verskillende kleure en laat hul ‘n dieretuin beplan en maak met verskillende diertjies daarin.
- Maak al die seeskulpies bymekaar wat rondlê en stof vergader en laat die kinders hul eie fotoraampies versier met die skulpies wat hul daarop plak.
- Haal weer die ou bordspeletjies uit en sit lekker snoepgoed vir die kinders (en ouer kinders) uit, om daarmee saam te geniet.
- Gee hul gesonde vars produkte en laat hul, hul eie toebroodjies maak (versier soos bv. op die fototjie hierbo van die apie-broodjie).
- Hou ‘n familie-chocolate-fondu-aand voor die kaggel.
