Corli se pretzels

Corli se pretzels
My dogtertjie se bynaam is “pampoen”, so die uitdaging van pampoen-pretzels het ek in alle fasette geniet, van vulsel tot doopsous.

Porsies 16 pretzels

Bestanddele

Pretzels

• 1 bottel Van Hunks Pumpkin Ale
• 1 pakkie gis
• 2 e botter (ongesout)
• 2 e suiker
• 1 tot ½ t sout
• 4- 4 ½ k meel

Vir doop

• 10 k water
• 2/3 k koeksoda

Vulsel

• botterskorsie
• 2 feta -wiele
• olyfolie
• esdoringstroop (maple syrup)
• pampoenspeserye

Smeer

• 1 eiergeel
• 1 e water

Versiersel

• pampoenpitte
• gekapte pekanneute
• growwe sout

Pekanneut-en-pampoen-botter

• 1 k pekanneute (gerooster)
• ½ k pampoensaad
• 4 e esdoringstroop
• ¾ t pampoenspeserye (kaneel, neutmuskaat en naeltjies)
• ½ t vanielje-ekstrak
• knippie sout
• 50 ml room

Pampoen-kaaskoek-doopsous

• 1 bakkie roomkaas
• 6 wit malvalekkers
• pampoenpuree
• pampoenspeserye
• knippie sout
• 20 ml room

Pekanneut-en-pampoen-blatjang

• ½ k pampoen (in klein blokkies gesny)
• botter (vir braai)
• ¼ rooiui
• ¼ k bruinsuiker
• ½ k neute (fyngemaal)
• pampoenspeserye (na smaak)

   

Instruksies

Pretzels

1. In pan, verhit bier tot louwarm, verwyder van hitte, gooi gis bo-oor en laat oplos.
2. In groot bak, laat meng botter, suiker, sout en gis mengsel asook 3 koppies meel.
3. Meng op medium spoed. Meng genoeg sodat dit sagte deeg vorm.
4. Meng dan laaste meel by sodat dit stywe deeg vorm.
5. Knie met hande of in menger vir 6-8 minute. Gebruik deeghak.
6. Sit in gesmeerde botter-bak, maak toe met kleefplastiek en laat rys tot dubbel of vir 1 uur.
7. Sit oond op 200˚C. Deel deeg in helfte en dan in 8 stukke elk.
8. Laat elke pretzel in water vir 30 sekondes, haal uit, laat droog drup en plaas op gesmeerde bakplaat.
9. Smeer eier en water oor elke pretzel.
10. Gooi oor verlangde geure of versiering, asook sout.
11. Bak vir 10-12 minute tot goudbruin.
12. Haal af van bakplaat en plaas op draadrakkie en laat afkoel.

Vulsel

1. Rooster in oond tot gaar met al die bestanddele. Puree al die bestanddele saam en skep in spuitsak.

Pekanneut-en-pampoen-botter

1. Kook pampoen of botterskorsie tot sag in water.
2. Rooster pekanneute in oond of op braaipan.
3. Sit pekanneute in voedselverwerker en maal tot sag.
4. Voeg al die bestanddele in voedselverwerker en maal tot sag en glad.
5. Laat afkoel in bak in yskas tot benodig.

Pampoen-kaaskoek-doopsous

1. Maak roomkaas met slaplemmes, voeg dan pampoenpuree by en roer tot glad.
2. Voeg pampoenspeserye by en knippie sout by mengsel.
3. Smelt die wit malvalekkers vir ’n paar minute in mikrogolfoond en vou in by die mengsel, voeg bietjie room by indien nodig.
4. Plaas mengsel in yskas om koud te bly.

Pekanneut-en-pampoen-blatjang

1. Gooi pampoen in bietjie botter in kastrol en laat braai tot mediumsag.
2. Voeg rooiui, bruinsuiker en pampoenspeserye by. Laat kook tot amper stroop.
3. Laaste, net voor opdiening, voeg die fyngemaalde neute by en roer tot als gemeng.