Swartkersiestrudel met appel en ricotta

Swartkersiestrudel met appel en ricotta
Genoeg vir 6-8
Tyd: 30 minute
BESTANDDELE

• 200 g ricotta-kaas
• 2 ml fyn kaneel + ekstra
• 1 rooi appel, geskil, klokhuisie verwyder en grofgekap
• 125 ml ingemaakte swartkersies sonder pitte, gedreineer
• 5 velle fillodeeg
• 60 ml gesmelte botter
• versiersuiker, vir opdiening (opsioneel)
   

METODE

1. Stel die oond op 220 °C. Voer ’n bakplaat met bakpapier uit en smeer dit met olie of botter.
2. Meng die ricotta en kaneel. Vou die appel en kersies by die mengsel in.
3. Verf ’n vel fillodeeg met die gesmelte botter en bedek met ’n volgende vel. Herhaal tot al die velle gebruik is.
4. Skep die ricotta-mengsel langs die kort kant op die fillovelle. Los ’n 4 cm‑rand oop. Vou die kante in en rol die deeg in ’n rol.
5. Plaas die rol op die bakplaat. Verf met gesmelte botter en bak 15 minute tot goudbruin.
6. Besprinkel met kaneel of versiersuiker en sit warm of koud voor.