Kinderpartytjies met Mari-Louis
Mari-Louis Guy het drie kinders, wat beteken sy kén van partytjie-beplanning. Elke ouer wil hê sy/haar kind se partytjie moet trefkrag hê, maar dié dag gaan oor meer as ’n pronkerige koek en prettige dekor.
Volgens Mari-Louis tel jou kinders se voorkeure meer as jou goeie smaak. “Die dag gaan oor hulle, en hulle geluk is meestal dat jy tyd saam met hulle moet spandeer,” sê sy. “Doen soveel as moontlik voor die partytjie, sodat jy duidelik ook pret het.”
Sy sê daar moet aktiwiteite wees – “al is dit net wegkruipertjie of bok-in-die-hok.” Verder is dit noodsaaklik om te verseker die kinders is veilig, veral wanneer kleiner boeties en sussies deelneem.
“Die ouers se tyd tel verskriklik, en dit word ’n familie-projek,” sê sy. “Ons het ’n Dinosourus-partytjie vir ons seun gehou en kos in klein porsies opgedeel, wat die Herbivore en Kanrivore sou wou eet. Die tema laat jou ook lei tot die spyskaart, soos in hierdie geval vars slaai.
“Dekor word weer tuis gemaak, soos ’n robot, gemaak uit karton, wat deur Pa gemaak word.”
Mari-Louis sê avonturier-temas (soos skaatsplankry) is gewild onder seuns ouer as vyf jaar. Temas wat aansluit by flieks oor superhelde en prinsesse is egter steeds groot nuus. “Ek hoor ’n geruising van Big Hero 6 by my middelste kind se groupie vyf-jarige maats.”
Dis verder moontlik om met ’n knap begroting reg te kom. “As daar minder maatjies genooi word, kan daar meer op aktiwiteite soos bergklim saam met ’n gids of ’n seil-namiddag spandeer word,” sê Mari-Louis. “Neem ’n paar komberse see toe, koue koeldrank en vars vrugte, en geniet die middag met jou beursie nog versadig.”
’n Yskaatsbaan of huispartytjie is ’n beter opsie vir groter partytjies. “Ek vind beslis dat outydse partytjies, soos ons ma’s dit gehou het, met eenvoudige speletjies, ’n koek en ’n paar lekkernye, weer terug in die mode is,” sê sy. “Tydrowende Amy Adams-partytjies is aan die taan.”
Keer dat kos gemors word deur warmbrakke in vier te sny en vrugte in skywe te sny – eerder as ’n heel vrug per kind, is Mari-Louis se raad.
Wanneer dit by verjaardagkoek kom stel sy die “”immergewilde plaatkoek” voor. “Tensy jy werklik die behoefte het om geen slaap in te kry nie.”
Die koek kan met prettige papierkuns word, of elke blokkie kan anders versier word. “Wel nie ’n koek nie maar ’n heerlike prettige einde aan ’n partytjie, is ’n ellelange ‘banana split’ met baie bolle rooomys, gekleurde sprinkels, ‘sparklers’ en verjaarsdagvlaggies oral ingedruk. Soms hoef dit nie ’n koek te wees nie, net baie spesiaal,” sê sy.
