Martjie se gemmerkoekies
Bestanddele
• 500 g koue botter in blokkies gesny• 10 ml koeksoda
• 1100 g koekmeel
Warm-mengsel
• 150 ml water
• 420 g bruinsuiker
• 90 ml donker bruinsuiker (treacle)
• 90 ml goue stroop
• 90 ml gemaalde gemmer
• 90 ml gemaalde kaneel
• 5 ml gemaalde naeltjies
Instruksies
- Voeg al die bestanddele van die warm mengsel in ’n diep swaarboompot en plaas oor hoë hitte. Roer aanhoudend totdat die mengsel kookpunt bereik.
- Verwyder van die hitte en meng die blokkies botter met ’n houtlepel in die mengsel.
- Sodra die botter goed ingemeng is kan die koeksoda bygevoeg word. Klits met ’n draadklitser.
- Plaas nou die warm mengsel in die bak van ’n elektriese menger en laat dit afkoel totdat dit net effe warm is.
- Sif die meel oor die mengsel en meng op die laagste spoed van die elektriese menger. Dit moet ’n stywe deeg vorm.
- Deel nou die deeg in 3 dele op en vorm plat skywe. Draai dit toe in klewerige plastiek en verkoel in die yskas vir ten minste twee uur of oornag.
- Verhit die oond tot 190 °C.
- Rol die deeg uit op ’n meelbestrooide oppervlak tot so 5 mm in dikte. Gebruik 5 mm tappenne (dowel sticks) om die deeg egalig en gelyk uit te rol. Dit dien as riglyn om dieselfde dikte koekies te maak.
- Sny die vorms uit met die koekiedrukkers en plaas op ’n bakplaat wat uitgevoer is met bakpapier.
- Bak vir 8-12 minute en draai die panne na 8 minute om, sodat dit egalig kan bak. Maak seker die middel van die koekies is stewig en die randjies effe donkerder.
- Versier met koninklike versiersel (royal icing).
