Valerie se dadelbrood met karamelstroop
Bestanddele(Die resep lewer ’n middelslag-broodjie.)
5 ml koeksoda
150 g / 250 ml dadels
250 ml kookwater
200 g / 250 ml bruinsuiker
60 g / 75ml botter of margarien
1 eier
200g / 375 ml koekmeelblom
5 ml bakpoeier
Knypie sout
50 g gekapte okkerneute
5 ml vanieljegeursel
Karamelstroop:
100g / 125 ml sagte bruin suiker
125 ml vars room
40 g / 50 ml botter of margarien
Instruksies
- Voorverhit die oond tot 180° C.
- Smeer ’n middelslag-broodpannetjie (23 x 13 x 5 cm) of bespuit goed met ’n nie-kleefmiddel.
- Strooi koeksoda oor die dadels.
- Voeg kookwater by, meng en laat afkoel.
- Klop die bruinsuiker en botter goed tot gemeng.
- Sif die meel, bakpoeier en sout saam bo-oor die mengsel.
- Voeg die neute en vanieljegeursel by en meng.
- Voeg die dadelmengsel by en meng.
- Skep in die pannetjie en bak sowat ’n uur of tot gaar.
- Verhit die bruinsuiker, room en botter saam oor lae hitte tot kookpunt en kook 5 minute lank sonder ’n deksel.
- Keer die dadelbrood op ’n opdienbord uit en gooi die warm karamelstroop stadig oor.
