Cecilia se piesang-en-pekanneut-brood
Bestanddele
2 koppies (280 g) koekmeel
1 teelepel (5 ml) koeksoda½ teelepel (2,5 ml) sout
½ koppie (120 g) botter
1 koppie (220 g) strooisuiker
120 g pekanneute, gekap
2 eiers
4 ryp piesangs, fyngedruk
80 ml karringmelk
1 teelepel vanieljegeursel
Instruksies
- Voorverhit die oond tot 180ºC en smeer ’n 20 x 12,5 cm broodpan, of twee klein broodpannetjies.
- Sif die meel, koeksoda en sout saam.
- Room die botter en strooisuiker saam tot lig en donsig. Voeg die eiers, fyngedrukte piesangs, karringmelk en vanieljegeursel by en meng goed. Vou die meelmengsel en pekanneute in.
- Giet die beslag in die pan en bak dit vir 50-60 minute of tot ’n toetspen skoon uitkom.
- Haal uit die oond en laat vir ’n paar minute in die pan afkoel. Keer uit op ’n afkoelrakkie om heeltemal af te koel voor opdiening.
