Cecilia se karamel-brosbrood
Bestanddele(Maak 50 koekies)
Brosbrood
125 g botter
125 ml strooisuiker
250 ml meelblom
25 ml mielieblom
2 ml sout
Fudge-laag
75 g botter
50 ml gouestroop
1 blik kondensmelk
125 ml strooisuiker
Sjokolade-bolaag
150 g donkersjokolade
Instruksies
Brosbrood
- Voorverhit die oond tot 180 °C.
- Klop botter en suiker tot lig en donsig.
- Sif meelblom, mielieblom en sout saam en vryf by suikermengsel in om ’n stywe deeg te vorm.
- Druk in ’n gesmeerde reghoekige pan van 20 x 24 cm. Prik met ’n vurk en bak vir 10 minute.
Kook die bestanddele vir sowat 5 minute in ’n kastrol tot verdik. Klop voortdurend om te keer dat dit nie aanbrand nie. Smeer oor gebakte brosbrood en laat afkoel tot styf.
Sjokolade-bolaag
- Smelt sjokolade in ’n bakkie oor kookwater wat bo-op ’n kastrol is. Die bak moenie aan die water raak nie. Smeer dit dan oor die fudge-laag.
- Sny brosbrood in blokkies net voor die sjokolade hard word.
