Caroli se vanieljeklontjies
Bestanddele
185 g botter½ k strooisuiker
1 eier
5 ml vanieljegeursel
½ k mielieblom
½ k vlapoeier
½ t bakpoeier
¼ t sout
Instruksies
- Voorverhit die oond tot 200 °C . Voer drie bakplate uit met bakpapier en spuit liggies.
- Room die botter en suiker tot lig en donsig.
- Voeg die eier en vanielje by en meng goed.
- Sif al die droë bestanddele saam. Voeg dit by die bottermengsel en meng tot ’n stywe deeg.
- Rol die deeg in klein bolletjies en plaas op ’n gesmeerde bakplaat. Druk die koekies plat met die agterkant van ’n vurk.
- Bak vir 7-10 minute tot gaar.
- Smelt witsjokolade oor ’n kastrol met warm water. Plak die koekies twee-twee op mekaar met die witsjokolade. Maak strepies bo-oor die koekies en versier met veelkleurige sprinkels.
