Korslose lemoen-melktert
LEWER 2 TERTE VAN 20 CM
Bereiding: 40 minute
Baktyd: 30 minute
15 g botter
40 g suiker
3 groot eiers, geskei
130 g koekmeel, gesif
knippie sout
500 ml (2 k) melk
250 ml (1 k) vars lemoensap
skil van 1 lemoen
suiker vir oorsprinkel
Voorverhit die oond tot 190 °C. Smeer twee tertpanne van 20 cm elk.
1.Verroom die botter en suiker tot lig en romerig. Klits die eiergele een vir een by.
2.Voeg die meel en sout by en meng goed.
3.Voeg die melk, lemoensap en lemoenskil by en meng goed.
4.Klits die eierwitte tot sagte punte vorm en vou dit by die mengsel in.
5.Giet die mengsel in die voorbereide tertpanne en bak 30 minute tot goudkleurig en gestol.
6.Strooi ’n bietjie suiker oor wanneer dit by die oond uitkom.
