Gemmer-Neutsjokoladekoek (Huisgenoot)
Maak 20 skywe
Bereiding: 10-15 minute
Staantyd: 10 minute
600 g donkersjokolade, in blokkies gebreek
125 g botter
100 g Brasiliaanse, pekan-makadamia- en kasjoeneute
100 g pampoenpitte
100 g sponsvingers, in stukke gebreek
175 g ingelegde gemmer, kleiner gesny
bessies vir voorsit (opsioneel)
Spuit ’n silikon-broodpan van sowat 23 x 10 cm met kleefwerende sproei.
- Smelt die sjokolade en botter in ’n glasbak in die mikrogolfoond tot glad. Roer gereeld.
- Voeg die neute, pitte, sponsvingers en gemmer – stroop en al – by en meng deur. Werk vinnig, want dis byna weer gestol teen die tyd dat jy klaar gemeng het.
- Skep in die broodpan en verkoel tot stewig.
- Ontvorm en sny in skywe. Sit voor saam met bessies indien verkies.
