Gebakte kaaskoekies met gerookte salm
1 x 230g gerookte salm-geur roomkaas
125g ongegeurde roomkaas125ml room
2 eiers
45ml koekmeel
100g gerookte salm, baie fyn gesny
45ml gekapte, vars pietersielie óf dille
3ml vars gemaalde swartpeper
30ml suurlemoensap
15ml fyngerasperde suurlemoenskil
Ekstra roomkaas, pietersielie en stukkies gerookte salm, om mee af te rond
Voorverhit oond tot 180 °C en smeer ’n muffinpan goed met olie. Bestuif
die holtes met koekmeel en skud oortollige meel uit. Klits roomkaas en room
saam glad. Voeg eiers by en klits goed. Roer meel by. Voeg die salm,
pietersielie óf dille, peper, suurlemoensap en -skil by en meng deur.
Skep in die muffinholtes (maak
elkeen drie-kwartvol) en bak sowat 20 minute tot ferm. Laat sowat 10 minute in
die pan afkoel en maak kante dan versigtig met ’n mes los. Lig kaaskoekies uit
en sit louwarm of teen kamertemperatuur voor. Rond af met ’n smeersel roomkaas,
takkie pietersielie en repie salm.
