Risotto in 'n drukkoker
Die sukses van die dis hang af van die verhouding van die rys tot die vloeistof.
Dit is altyd 1 koppie rys en 2 koppies vloeistof.
Bestanddele
75g botter
1 ui, gekap
2 knoffeltoontjies, gekap
2 preie, gekap
1 teelepel tiemie
1 koppie Arborio-rys
2 koppies groente-aftreksel (verkieslik tuidgemaak)
8 songedroogte tamaties
50g Mascarponekaas
50g Parmesaankaas
1 eetlepel pietersielie
Metode
Smelt botter in drukkoker en braai ui, knoffel, preie, tamaties en tiemie daarin vir 3 minute,
Voeg die rys by.
Roer goed en maak seker dit word bedek deur die botter - dit kry so n pêrelagtige voorkoms.
Voeg die aftreksel by.
Sit deksel op en sit oondplaat op hoog.
Laat dit slegs vir 7 op die plaat sodra dit begin kook.
Koel dadelik af. (As jy n outydse drukkoker het, plaas dit onder koue water)
Haal deksel af en roer die kase en pietersielie in.
Bedien dadelik.
