Rosaline Koopman se Beesstert
(Werda)
Bestanddele:
1 beesstert
1 gekapte ui
4 knoffelhuisies
1 E Worcestersous
1 glas rooiwyn
2 E wynasyn
sout, swartpeper
2 k beesaftreksel
Metode:
Braai die beesstert in ‘n bietjie kookolie saam met die uie en knoffel.
Dit word eers bruingebraai om die vleis te seël en die geur na vore te bring.
Voeg Worcestersous, rooiwyn en wynasyn by en geur met sout en peper.
Kook in beesaftreksel tot die vleis sag is.
Dine se notas:
Dis ‘n lang proses om beesstert gaar te maak. Jy kan nie dieselfde resultaat kry deur dit vinnig in ‘n drukpot te kook nie.
Saam met die beesstert maak ons gebakte soetpampoen.
Saam met die soetpatats het sy blomkool gestoof waaroor vars neutmuskaat gerasper is.
