Jy benodig:
- Teekoppie(s)
- ‘n Blok kerswas – of gewone wit kerse se was wat opgesny is. (Jy kan dus al die afval stukkies wit kerswas bere en vir hierdie doel gebruik. Dis baie goedkoper.)
- ‘n Pot wat jy oor ‘n ander met kookwater plaas (double boiler)
- Vetkryt in ‘n kleur waarvan jy hou en wat by die koppie pas. (indien verkies)
- Kerspitte
- Sosatiestokkies
Metode:
- Smelt genoeg kerswas om die koppie(s) te vul.
- Sodra die was gesmelt het, voeg die “kleur” by (fyn stukkies vetkryt).
- Gooi nou slegs die helfte van die gesmelte kerswas in die koppie.
- Wag 5 min. en plaas dan die kerspitte in die was – hou dit in plek deur die punt vas te knoop aan ‘n sosatiestokkie wat jy dwars oor die koppie plaas. Die pit moet mooi in die middel wees.
- Na ± 45 min. kan jy die res van die kerswas ingooi. (Hou maar dop.)
- Laat dit droog word en siedaar jou eie teekoppie kerse.
