'n Makliker manier om pizza te maak was daar nog nie, laat die kinders self besluit wat hulle op hul pizza wil sit.

Maak ongeveer 30 pizzas met 'n deursnee van 4 cm

Verhit oond tot 200 °C. Gebruik 'n 4 cm-koekiedrukker en druk 30 sirkels uit 'n 400 g-vel blaardeeg. Plaas sirkels op gesmeerde bakplaat.

Sny 100 g mozzarella-kaas in blokkies van sowat 2 cm. Pak op deegsirkels.

Halveer 30 klein rosa-tamaties en plaas bo-op kaas.

Geur met sout en varsgemaalde swartpeper.

Kap so 10 vars basiliekruidblare fyn en sprinkel oor.

Bak vir 20 - 25 minute tot gaar en bros.

Rond af met klein vars basiliekruidblaartjies.

(Hierdie maklike resep was in 'n Sarie Tydskrif)