VEERLIGTE SPONSKOEK
4 eiers,
500ml Meelblom
500ml Suiker
20ml Bakpoeier
1ml Sout
250ml Melk
250ml Botter
5ml Vanieljegeursel.
Klits eiers & suiker saam tot room (+/- 30 minute per hand met hand klitser)
Sif meel, bakpoeier & sout saam.
Vou eier mengsel in.
Kook melk & botter saam.
Voeg melk by eier / meel mengsel & meng goed.
Roer vanieljegeursel in. *Gooi mensel in gesmeerde koek panne. Bak vir 15 – 20 minute in oond van 180 grade C.
Of
Sjokolade Fudge Koek
Oond : 180 gr C. Smeer en voer 2 ronde koekpanne. Meng alle bestandele saam in Mengbak: 2 K koekmeel, 4 t bakpoeier, 2 k suiker, 1 k kakaopoeier, 200 gr sagte botter, 3 eiers, 1 k melk, 125 ml sonneblom olie en kwart t sout. Klits goed deur. Deel die deeg in panne en bak vir 30 min tot gaar. Rus 5 min en keer uit, koel heeltemal af en versier in die middel en bo-oor met vlg versiersel. Gooi in 315 ml room in kastrol en laat warm word, nie kook. Voeg by: 200 gr sjokolade, in blokkies gebreek, 1 t stroop,knippie sout en 1 t vanilla essens. Koel af en versier koek, sprinkel gekapte neute oor as verkies
