Gestolde drielaagslaai

Gestolde drielaagslaai

 

Bestanddele
WORTELLAAG

• 80 g (1 pakkie) lemoengeur-jelliepoeier
• 250 ml kookwater
• 250 ml fyngerasperde wortels

PYNAPPELLAAG

• 80 g (1 pakkie) pynappelgeur-jelliepoeier
• 250 ml kookwater
• 410 g (1 blik) fyn pynappel, gedreineer
• 250 ml gerasperde cheddarkaas
• 250 g geroomde maaskaas

BEETLAAG

• 80 g (1 pakkie) kersiegeur-jelliepoeier
• 250 ml kookwater
• 250 ml gerasperde gaar beet

Metode

1. WORTELLAAG: Los die jellie op in die kookwater, voeg die wortel by en laat stol dit in ʼn ringvorm.
2. PYNAPPELLAAG: Los die jellie op in die kookwater. Laat dit afkoel en voeg dan die pynappel, kaas en maaskaas by. Skep dit bo-op die gestolde wortellaag.
3. BEETLAAG: Los die jellie op in die kookwater. Laat dit afkoel en voeg dan die beet by. Skep dit op die gestolde pynappellaag. Laat dit oornag in die yskas staan om heeltemal te stol.
4. Keer die slaai op ʼn mooi bord uit en garneer dit met wortelrepies.