Banting-braaihoender en pampoen met lensies
Genoeg vir 4 mense
Bereiding: 20 min
Gaarmaak: 35 min
6 hoenderstukke
½ pampoen, in wîe gesny
1 kop knoffel, horisontaal gehalveer
3 takkies roosmaryn
60 ml (¼ k) olyfolie
sout en peper
2 uie, in skywe gesny
6 takkies tiemie
2 blikke (400 g elk) lensies, afgespoel en gedreineer
60 ml (¼ k) appelwynasyn
30 ml (2 e) strooisuiker
200 g fetakaas, gekrummel
Voorverhit die oond tot 200 °C.
- Plaas die hoender, pampoen, knoffel, roosmaryn, 45 ml (3 e) olyfolie, sout en peper in ’n roosterpan en meng deurmekaar.
- Rooster 35 minute of tot die hoender gaar is en die pampoen goudkleurig en gaar. Sit eenkant en hou warm.
- Verhit ’n groot braaipan oor matig-hoë hitte. Voeg die oorblywende olie, uie en tiemie by, verlaag die hitte en kook 3 minute of tot die uie sag is. Voeg die lensies, asyn en strooisuiker by en kook 2 minute of tot deurwarm.
- Meng die hoender in ’n bak met die lensiemengsel, fetakaas, pampoen en knoffel.
