Appelkoek
Genoeg vir: 8
Bereidingstyd: 15 minute
Baktyd: 40 minute
Oondtemperatuur: 180 °C
• 125 g (135 ml) botter
• 210 g (250 ml) suiker
• 3 groot eiers
• 140 g (250 ml) koekmeel
• 6 ml bakpoeier
• 65 ml melk
• 1 blik tertappels, gedreineer
Stroop
• 250 ml melk
• 210 g (250 ml) suiker
• 115 g (105 ml) botter
1 Klits die botter en suiker saam. Klits die eiers een-een by.
2 Sif die droë bestanddele en ’n knypie sout saam en meng dit om die beurt met die melk by die bottermengsel in.
3 Smeer ’n oond- of pasteibak. Gooi die beslag in die bak en druk dan die stukke tertappel in die beslag. Bak dit vir omtrent 30 minute in die verhitte oond.
4 Stroop Gooi al die bestanddele vir die stroop in ’n kastrolletjie en verhit dit vir 10 minute.
5 Haal die koek uit die oond, giet die stroop oor en laat dit vir nog 10 minute bak. Sit dit warm voor met geklitste room.
