Mexikaanse pitas
Genoeg vir 4
Tyd: 40 minute
BESTANDDELE
- 30 ml olyf- of avokado-olie
- 1 ui, fyngekap
- 1 knoffelhuisie, fyngedruk
- 2 wortels, geskil en gerasper
- 500 g beesmaalvleis
- 2 x 410 g-blikke Mexikaanse styl tamaties
- 1 x 400 g-blik Goldcrest rooi nierbone, gedreineer
- ’n hand vol koljanderblare, gekap
- 4 pitabroodjies, middeldeur gesny
- Verhit helfte van die olie oor matige hitte in ’n kastrol en braai die uie, knoffel en wortels 5 minute tot sag. Geur en plaas eenkant.
- Verhit die oorblywende olie in dieselfde kastrol en braai die maalvleis 5-10 minute tot bruin. Voeg die uiemengsel, tamaties en bone by en laat 15 minute prut.
- Voeg die koljander by en skep die mengsel in die pitabroodjies.
